بەرەبەیانی ئەمڕۆ پێنجشەممە، کچێک لەسەر بەرزەپردی بەردەم کەمپی نوێی زانکۆی سلێمانییەوە کەوتەخوارەوە و گیانی لەدەستدا.
سامان نادر بەرپرسی بەشی فریاکەوتنی خێرای سلێمانی بە (زێیێ بادینان)ی ڕاگەیاند، ڕووداوەکە کاتژمێر ١٢: ٦ خولەکی بەیانی بووە، کچێک لەسەر بەرزەپردی بەردەم زانکۆی سلێمانییەوە کەوتەخوارەوە و گیانی لەدەستدا.
هاوکات سامان نادر ئاماژەی بەوەکرد، ئەو کەسەی لەسەر بەرزەپردەکەوە کەوتووەتە خوارەوە لە ڕەگەزی مێ-یە و تەمەنی لەنێوان ١٨ بۆ ٢٠ ساڵدایە و تا ئێستا ناسنامەکەی ئاشکرانەبووە.
ئەوەشی خستەڕوو، تا ئێستا نازانرێت کە هۆکاری ڕووداوەکە خۆکوژی بووە یاخود کەوتووەتەخوارەوە، کاتێک تیمەکان گەیشتوونەتە شوێنی ڕووداوەکە کچەکە گیانی لەدەستداوە.
Comments are closed, but trackbacks and pingbacks are open.