سالار محەمەد فەتاح
ئاژەل، ئەو بەشێ کومەلگەهێ یێ گرنگە کو کێمتر نینە ژ چینا مرۆڤان. سرۆشت ب ئاژەل، مرۆڤ و ڕۆەکان جوان و ڕەوشەندار دبیت. ئەگەر تەماشەی دیرۆکا شارستانیەتا جیهانێ ب گشتی بکەین دێ دیار و ئەشکەرا بیت کو مرۆڤان مفایەکێ زور ژ ئاژەلان دیتییە، هەر ب گرە ژ کارێن نێچیرکرنێ، تا دگەهیت خودانکرن و کارئینانا وانا وەک ئاهەکێ خوارنێ، یان ژی بۆ پاراستنا بەرهەمێن گشتوکالی د دیرۆکا شارستانیەتێدا. ئەگەر نها ئەم تەماشە بکەین ئەڤی چاخێ زێرین یێ تەکنەلوجیا و پێشکەڤتنا سیکتەرێن ژیانێ، ب تایبەت پشتی سەرهلدانا پێشەسازی ل ڕۆژئاڤا کو ئاراستەیێ شارستانیەتا مرۆڤایەتیێ بەرەڤ کایەکا دییا ژیانیبوونێ ڤە بری یە. و گەلەک کارێن مرۆڤان ب ساناهی بووینە، و پیتڤیا وان ب ئاژەلان کێمبوویە ژ بۆ چاڤدێری کرنێ، وەک کورد دبێژن:
“دبێژن یارێ…. بابو، هەتا گرێکێ پشت هەستی تێخن”.
ئەڤرۆ ل گەلیێ (باعەدرێ)، کوچکەکێ جوان و بچویک ل سەر جادا گشتی دەرباس دبوو، ترۆمبێلەکا ژ جورێ (تیوتا- هایلوکس) کو ئاراستێ وێ پیچەوانەی ئاراستێ ترۆمبێلا من بوو، ب ترانە پێکرن و ئاراستەدانا دەستێ ب وی کوچکی جوان و بچویک، شوفێرێ ئەوێ ترۆمبێلێ ئاراستێ تبلا خۆ برە وی گیاندارێ جوان، و (کوچک) ل بن پێپکێن (تایرێ) ترۆمبێلا خوەکر، و وژدان و مرۆڤایەتیا وی ل سەر جادێ ل بەر ئاوازا دەنگێ وی کوچکی سەما کرن.لڤێرە کار مە مرۆڤان ب ئاژەلان کێمبوو، ژ دەرئەنجامێ شوڕەشا پێشەسازی، لەو مە گرێکا خۆ ل پشت هەستی ئێخست، هێدی تنێ مە مرۆڤان کار ب بێ وژدانی و خوەشیا و لەزەتا دلێ خوە مە، لەو هەمئ پیرۆز و هەڤکارێن پێشکەڤتنا شارستانیەتا مە مرۆڤان مە کرنە قوربانی خوەشیا خوە.
Comments are closed, but trackbacks and pingbacks are open.