رێڤه‌به‌رێ گشتیێ چاندنێ ل پارێزگه‌ها دهۆكێ راگه‌هاند، ل پارێزگه‌ها دهۆكێ 126 كۆگه‌هێن سار بۆ هه‌لگرتنا به‌رهه‌مێن پتاتان هاتینه چێكرن و پتاتێن دهۆكێ ل سه‌ر ئاستێ هه‌رێما كوردستانێ و عێراقێ د پله‌یا ئێكێ دانه و ڤێ چه‌ندێ وه‌كرییه، بكر بۆ به‌رهه‌مێ پتاتان په‌یدا ببن و ئێدی به‌رهه‌مێ وان بۆ ده‌رڤه‌یی كوردستانێ دهێته هنارتن.
ئه‌میر ئه‌ترووشی
رووبه‌ره‌كێ باش یێ ئه‌ردی بۆ چاندنا پتاتان ل پارێزگه‌ها دهۆكێ هه‌یه و سالانه رێژه‌كا مه‌زن یا پتاتان ل دهۆكێ دهێنه به‌رهه‌مئینان و ئه‌ڤ ساله ژی 126 كۆگه‌هێن سار بۆ كۆگه‌هكرنا پتاتان ل پارێزگه‌ها دهۆكێ هاتینه ته‌رخان كرن و د نوكه دا دهۆك ل سه‌ر ئاستێ هه‌رێمێ و عێراق ل پلا ئێكێ دهێت بۆ به‌رهه‌م ئینانا پتاتان.
ئه‌حمه‌د جه‌میل، رێڤه‌به‌رێ گشتیێ چاندنێ ل پارێزگه‌ها دهۆكێ بۆ رۆژناما ئه‌ڤرۆ دیار كر: ئه‌ڤ ساله به‌رهه‌مێ پتاتان ل پارێزگه‌ها دهۆكێ 70% زێده بوویه و به‌رهه‌مێ وان گه‌له‌ك یێ باشه و هه‌روه‌سا حكومه‌تا هه‌رێمێ هاریكارییا جۆتیاران دكه‌ت” دا كو به‌رهه‌مێن خۆ ل ناڤخۆیا هه‌رێمێ و ل ده‌رڤه‌یی هه‌رێما كوردستانێ ژی بفرۆشن و ئه‌ڤ ساله پتات بۆ ده‌رڤه‌یی هه‌رێما كوردستانێ هاتینه هنارتن.
ناڤهاتی ئه‌و ژی گۆت: ل ڤان سالان ل پارێزگه‌ها دهۆكێ 126 كۆگه‌هێن سار بۆ هه‌لگرتنا به‌رهه‌مێن پتاتان هاتینه چێكرن و پتاتێن دهۆكێ ل سه‌ر ئاستێ هه‌رێما كوردستانێ و عێراقێ د پله‌یا ئێكێ دانه و ڤێ چه‌ندێ وه‌كرییه كو بكر بۆ به‌رهه‌مێ پتاتان په‌یدا ببن و ئێدی به‌رهه‌مێ وان بۆ ده‌رڤه‌یی كوردستانێ دهێته هنارتن.
Comments are closed, but trackbacks and pingbacks are open.