▪ ھەکە دینگی دخوی ڤی بابەتی بخوینە

دینگ و به‌ز چەوریێن چڕن کو کۆمه‌لا ئه‌مریکی بۆ نه‌خۆشیێن دلی و ڕێکخراوا ساخلەمیێ، د ڕژدن ل سه‌ر وێ چەندێ ڕۆژانه‌ باشتره‌ کو چه‌وریێن چڕ نابیت زێدەتر ژ 10 بۆ 50% ژ ژێدەرێن هێزا پێدڤییا ئه‌وی که‌سی پێک بینیت: بۆ نموونه‌ که‌سەک کو کێشا لەشێ وی ( 70 کیلۆگرام) ڕۆژانه‌ پێدڤیە نێزیکی 13 گرام بۆ 19 گرامێن چه‌وریێن چڕ بخۆت، ل هەمان دەم دا چه‌وریێن چڕ د خوارنێن دیتردا ژی هه‌یه‌ وه‌ک هێکه‌، شیر و به‌رهه‌مێن وی، چەرمێ مریشکێ و ڕۆنێ ئاژه‌لی و همبه‌رگر و کنتاکی و باسترمه‌ و گه‌س و که‌بابان دا.

دینگ و به‌ز و چه‌وریێن ئاژه‌لی ل وی دەمی ب مفانە، دەمێ ئاژه‌ل ب گژوگیا و عه‌له‌فی ب خودان کڕبیت، نه‌ ب عه‌لەفێ دروستکری و هۆرمۆنات و پاشماوه‌یێن خوارنێ.

ب کارئینانا وی د ڕێجیما کیتۆدا کو ئێکە ژ ڕێجیمێن سەرکەفتی بۆ دابەزاندنا کێشا لەشی، ب تنێ بۆ دەمەکێ دیارکری یە و پتریا نۆشداران ب هەڤرانە کو جارێ پێدڤیە ب تنێ د دەمێ وێ ڕێجێمێ دا ب کاربهێت، نە ب بەردەوامی، ئەڤێ خالێ ل کوردستانێ پێدڤیە رژدیێ ل سەر بکەین، چونکو هندەک کەس هەنە ئەڤ بۆچوونە بو دروست بوویە کو دشێن ب بەردەوامی بخۆن.

ژ پێخەمەت خۆپاراستنێ ژ نه‌خۆشیێن دلی و تەنکبوونا خوێنبه‌ران و جه‌ڵتێ، خوارنا دیاگ و به‌زی و چه‌وریێن ئاژه‌لی پێدڤیە بهێتە کێمکرن.

ژ. نۆش نیوز