ناحیا دینارتێ ، ھاتیە پشگوئێخستن

کەناڵی یوتوبێ مە سەبسکرایب بکە

https://www.youtube.com/channel/UC_dmvffPsH2mu9C1_vapomA

گوڤارا زێ بادینان دیدارەک ل سەر ناحیا دینارتێ دگەل کەساتییەکێ دیاری مەزن یێ دەڤەرێ کریە کۆ ب ناڤێ ( بیاد فارس زێباری ) یە ل سەر ھند پرسان دان وستاند کریە ؟

• زێ بادینان ، بەحس دینارتێ بکە ژ روویێ کارگێری ؟
  بیاد فارس ، ناحیا دینارتێ ژلایێ کارگێری ڤە سەر بە قەزا ئاکرێ یە ب دووریا نێزیکی (٢٠کم) ل سەنتەرێ قەزا ئاکرێ ژ ئالیێ باکوورێ رۆژئاڤا و پێک دھێت ژ (١١٦) گوندان، (٥٨) گوندێن ئاڤاکرینە و (١٨) گوند نەھاتینە ئاڤاکرن و (١٨) نھا ژلایێ کارگێری ڤە بووینە سەر بە قەزا مێرگەسۆر و (١٠) ژی بووینە سەر ب ناحیا شێلادزێ سەر بە قەزا ئامیدیێ ڤە، ئاکنجیێن سنوورێ ناحیێ پێک دھێت ژ کورد و ئاشووری و کلدان .
• زێ بادینان ، ئەگەر بەحسی میژوویا ناحیا دینارتێ بکەین کورتیەکی ؟
  بیاد زێباری، کورتیەک ل دۆر دینارتێ ئاشکرا کر : ل سالا (١٩٤٢) سەنتەری ناحیێ لە بیراکەپرا بووە پاشان ل سالا (١٩٥٣) ھاتە ڤەگوھاستن بۆ دینارتە ب ناڤێ ناحیا نەھلێ (دینارتە)، یەکەم رێڤەبەرێ ناحیێ (محمد ێەبری موسێ) بوو و ل سالا (١٩٨٧) ھاتە ھەلوەشاندن و پشتی سەرھلدانا سالا (١٩٩٦) جارەکادی بۆ ناحیا دینارتە و ل سالا (١٩٩٦) پێک داھات ژ (٤ فەرمانگەھا)، لێ نھا ل سایەی حکومەتا ھەرێما کوردستانێ پێک دھێت ژ پتریا (١٨فەرمانگەھان).
• زێ بادینان پرسەک دەربارێ روول و کاریگەریا خەلکی دەڤەرێ د پشکداریا شورشێن کوردستانێ پێکر ؟
• زێباری ئاسکرا کر ژی : خەڵکی سنۆری دینارتێ ئێکە ژ باێرێن کەڤن کۆ پشکداری کری د شۆرەشاندا و ھەردەم خەلکی ڤێ دەڤەرێ ھەستا نەتەوی و نیشتمان پەروەری ھەبووە دیسان رۆل ھەبوویە د بزاڤا رزگاریخوازی دا و چەندین شەھید و برریندار و کێم ئەنم ھەنە ل شورشێن کوردستانێ دا کۆ ھەموو شەر و بزاڤاندا ھاریکار بوون خەلکێ دەڤەرێ دیسان پشتی سەرھلدانا ١٩٩١ ێ دا کوردستان گشتی تایبەتی سنورێ ناحیا دینارتێ ئازادی و بەرێ بناتێ بخۆ ڤە دیت لێ ھەیا نھا وەکو پێدڤی بوون بۆ ڤێ دەڤەرا نەھلێ نەھاتیە کرنێ .
• زێ بادینان ، ناحیا دینارتە جوداھیەک ھەیە دگەل یێن دیتر ؟
  بیاد گوتژی کۆ : ناحیا دینارتێ ئەگەر ئەم جوداھیەکی دا بکەین دگەل ناحیێن دیتر دێ بینن کۆ چو پێشکەفتنەک بخڤە نەدیتیە وەسا ژلایێ خزمەتگوزاربیان چونکی پتریا گوندێن نەھلێ و نقەیا و زێبارێ ریێن وان تورابینە ئانکو ھەموو ئاخن و ھندەکا زڤستانی ھەر ناگەھنە گوندێن خۆ .
• زێ بادینان ، بەحس سکتەرێن ژیانێ بکە ل دەڤەرێ ؟
  بیاد زێباری ل گورەی ژیانا خەلکێ دەڤەرێ گوت کۆ سکتەرێن ژیانێ بکەین سنورێ ناحیێ گشتی تژینە کێماسیان وەکو :
  ١. پەروەردە : سکتەرەکێ سەرەکی یی ھەر دەولەتبونێ و خێزانەکێ یە لێ ھاتیە پشگۆئێخستن یان ژی وەکو پێدڤی بوون بەرچاڤ نەھاتیە وەرگرتن و ھەیا نھا ژلایێ ئاڤاھیێن قوتابخان و میلاک و زۆر تشتێن دی یێن گرێدایێ ب پەروەردێ ڤە .
  ٢. چاندن : ئەڤە ژی ئێکە بنەمایێن گرنگ ژیانا ھەر کەسەکێ دا بەلێ ھەیا نھا وەکی پێدڤی بوون نەھاتیە بکارئینان چ لایێ ھاریکاری یان ژی خزمەتکرنێ بیت کۆ نەھلێ یا زەنگینە ب رە ز بیستان و سماق بەلێ چو گرنگیا خو نیە ، ژ روویی ھەبوونا مەرو مالات ژی کۆ زۆر ھەی لێ بەرھەمێ وان د ئاستی پێدڤی بوون دانیە .
  ٣. رێک وبان : ھەر ژ ئاکرێ بی تا دگەھیە رێن سەرێ نەھلێ و بۆ نقەبا و زێبارێ پتریا وان رێیان بینی کۆ تورابینە و ئاخن نەھاتنە چێکرن و سەخبێکرن و تایبەت رێیا پیرس و گەلی زنتە .
  ٤. گەنج : ئەگەر بەحس گەنجی بکەین کۆ دەڤەرا مە دەڤەرەکا چیایی و دوویرە ژ ھەر باژێرەکێ مەزن و بێ کۆ چ ریێن سەرەکی ھاتن و چوون ھەبیت یان ژی کۆ کەرتی تایبەت نە حکومی روولی خو نەدیتە ل دەڤەرێ لەوما گەنجێ مە بێ بەھرە ژ ھەر روویی کی ڤە .
  لەوما ئەم دخازین رێیە چارەک بێتە کرن بۆ سنورێ ناحیا دینارتێ کۆ وەکو پێدڤی بوون د ئاستێ خزمەتگوزاریان دنالیت ب ھەموو روویەکێ ڤە کۆ مە ل سەری ئاماژە دایە ھندەک ژ وان سکتەرێن ژیانێ لەوما ب ڤێ گوتارا خودا پەیاما خۆ دگەھینە جھێن شولە ژی َ کۆ بێنە سەر خەت و چارە بکەن ڤان خزمەتگوزاریان ل دەڤەرێ .