په‌یڤدارا باره‌گایێ بارزانى دبێژیت: هه‌تا نوكه لایه‌نێن سووننى ل سه‌ر ناڤه‌كى بۆ پۆستێ سه‌رۆكێ په‌رله‌مانێ عیراقێ نه‌گه‌هشتینه رێككه‌ڤتنێ.
خالیده خه‌لیل په‌یڤدارا باره‌گایێ بارزانى ڕاگه‌هاند، پۆستێ سه‌رۆكایه‌تییا په‌رله‌مانى مافێ پێكهاته‌یێ سووننه‌یه، سه‌رۆك بارزانى دگه‌ل هندێیه هه‌ر كاندیده‌كێ بۆ پۆستێ سه‌رۆكێ په‌رله‌مانێ عیراقی دهێته هه‌لبژارتن، پێدڤییه كو ده‌نگى یان ڕه‌زامه‌ندییا به‌هرا پتر یا لایه‌نێن سووننییێن دناڤ په‌رله‌مانێ عیراقێدا ل سه‌ر بیت.
خالیده خه‌لیل گوت ژى: هه‌ر پارته‌كا سیاسییا سووننه‌یان كاندیدێ خوه بۆ پۆستێ سه‌رۆكایه‌تییا په‌رله‌مانێ عیراقێ هه‌یه و هه‌تا نوكه لایه‌نێن سووننى ل سه‌ر ده‌ستنیشانكرنا كه‌سه‌كى بۆ ئه‌وى پۆستى نه‌گه‌هشتینه رێككه‌ڤتنێ.
ل دووڤ ئاخڤتنێن په‌یڤدارا باره‌گایێ بارزانى، گرنگه لایه‌نێن سووننى به‌رى كو پرۆسه بگه‌هیته ناڤا هۆلا په‌رله‌مانى و ده‌نگدان ل سه‌ر ده‌ستپێبكه‌ت، ل سه‌ر ناڤێ كه‌سه‌كى بۆ پۆستێ سه‌رۆكێ په‌رله‌مانى ڕێكبكه‌ڤن، ژبه‌ركو ئه‌گه‌ر رێككنه‌كه‌ڤن، بابه‌ت دێ دناڤ هۆلا په‌رله‌مانیدا هێته ئێكلاكرن، وه‌كو دزانن به‌هرا پترا په‌رله‌مانى د ده‌ستێن چارچووڤێ هه‌ماهه‌نگى و شیعه‌یاندایه و ل وى ده‌مى دبه‌رژه‌وه‌ندییا سووننه‌یاندا نابیت.
Comments are closed, but trackbacks and pingbacks are open.