رەحیما بەڕواری
پشت ب خو بەستن ئێکە ژ شەنگستێن سەرکەڤتنێ د ژیانێدا و چەکەکە ژ چەکێن شەرێ پێشڤەچوونێ د دەستێن مڕۆڤێن سەرکەفتنخوازدا. هەروەسا دهێتە هەژمارتن ئێک ژ بنەماێن کەسایەتییا ب هێز ژبەرکو د قوناغێن ژیانێدا نابیت کەسەک پشت بەستنێ ب کەس وکار و هەڤاڵ و دەوروبەران بکەت وشیانێن خۆ پشت گوهـ پاڤێژیت. مە بڤێت، نەڤێت دێ هەمی د قوناغێن سەختێن ژیانێدا دەربازبین وگەلەک جاران کەسێ ل دەوروبەرێن خۆ نابینین و مەبڤێت و نەڤێت دێ هەوڵا خۆ ڕزگارکرنێ ژڤان ئاستەنگان؟کەین. لەورا یا پێدڤییە ئەم خۆ فێری پشت ب خۆ بەستنێ بکەین وباوەریێ ب شیانێن خۆ بینین دا بسەربکەڤین. باشترین نموونە د دیروکێ دا پێشمەرگێ قەهرەمانە دەمێ ل چیا شوڕەش دکر و ل شەکەفتا دژییا ب نان و کەل وپەلەکێ زۆ کێم، لێ ئارمانجا ئەو پێ هاتین و مەرەما پیرۆزا پێ هاتینە پالدان کو پێ بەرەڤانیێ ژ خاک و وەڵاتێ خو بکەت دژی ستەمکار و زووردار و داگیرکەران، رێکا وان ئاسان کر و وەکر ئیرادا وان ب هێز بکەڤیت وقەد نەشکێت وقەد نەڕەڤیت وپشت بەستنێ ب خۆ شیانێن خۆ بکەت دا بگەهیتە ئارمانجا خۆ، ئازادیێ. و ئەو ڕوژ هات و وەڵات ب خۆهـ و خوینا وان ئازاد بوو.
جارەکێ دەمێ کورێ شاهەکی چوی نێچیرێ دیت شێرەکی غەزالەک نێچیرکر و هندەک ژ گوشتێ وێ خوار و چوو و دیت ڕیڤییەک هات، بێ ماندیبون کەتە سەر وی کەلەخێ ژبەر شێری مای وتێڕ ژێ خوار. دەمێ کورێ شاهی زڤری مال، ئەڤ سەرهاتییە بۆ بابێ خۆ ڤەگێڕا گوتە بابێ خۆ “ئەز ئێدێ وەکو ڕیڤی خۆ ماندی ناکەم، دێ وی تشتی خۆم ئەوێ دهێتە بەرسینگێ من” بابێ وی گوتێ “کوڕێ من، نەبە ڕیڤی ژ بەرمایکێن شێرا بخۆی، بەلکو شێربە، بلا ڕیڤی ژبەر مایکێت تە بخوون” مەرەما ڤێ سەرهاتییێ ژی هەر پشت ب خو بەستنە دژیانێدا کو فاکتەرێ سەرەکییە و دا ئەنجامێن داویێ شانازی ب خۆبوون و سەرکەفتنا هەردەمی بیت
Comments are closed, but trackbacks and pingbacks are open.