▪ نێرینک لسەر فلمە فیستەڤالا دهوکێ

ئاوارە نێروەیی

فلمە فیستەڤالا دهوکێ دەرگەھەکە کو دەرهێنەر و خەلک و کەسایەتیێن بیانی و ناڤخۆیی لێك کومبکەتە ڤە ژبو هندێ بەرهەم و کارێن خوە نیشانی جیهانا ژ دەرڤە بدەن و هەروەسا ئەڤ جورە فیستەڤالە گرنگ ژبو مە مللەتێ کورد چونکە ڤان سالێن رابوردوودا مللەتێ کورد گەلەک ئێش و ئازار دیتینە لێ جهێ داخێیە کو دەرهێنەرێن کورد کێم دشێن فلمان چێکەن ژئەگەرێ گوهورینێن سیاسی و کۆمەڵایەتی و جڤاکی و ئابوری . لێ ئەڤ گهورینە بوینە ئەگەر کو دەرهێنەرێن کورد پتر هزر دچێکرنا فلماندا بکەن ژبو وێ یەکێ برێکا هونەرێ خۆ و کەلتورێ خۆ بگەهین مافێن خوە یێن ڕەوا ئەوی ژی دروستکرنا دەولەتەکا سەربەخۆ و هێز ل رۆژهەلاتا ناڤەراست. ئەگەر ئەم ژلایێ ئابوری ل ڤان جورە فیستەڤالا بنێرین دێ بینین کو چەند یا گرنگە ژبو وی باژێری و دەولەتێ یان ژی بو وێ قەوارەیێ چونکە مێهڤان ل هەر سێ پارچێن دی یێن کوردستانێ و باژێرێن دی یێن هەرێما کوردستانێ و پارێزکەهێن دی یێن عێراقێ قەستا فلمە فیستەڤالا دهوکێ دکەن و بو ماوێ چەند روژان دمینن ل ئوتێل و موتێلێن باژێرێ دهوكێ و هەروەها
لڤینا کارکرنێ دکەڤیتە ناڤ بازاری و جڤاکی .
ژبەر کو فلمە فیستەڤال ب کەسەکێ یان ژی ب دووکەسان رێڤە ناچیت هەمی کەس بەشدارن تایبەت ژی کومپانی و کارگەھ و بازرگان و کەسێن دەولەمەند رێڤە دچیت و هەروەها هەر ئێک ژڤان ب کارەکێ رادبن بونموونە کارگەھا کەلوپەلێن ڤەخوارنێ دێ ڤەخوارنێن خوە پێشکێشی مێهڤانێن خوە کەن، هەروەها دێ بازرگانەک هندەک کارێن فلمە فیستەڤالێ ب ستویێ خوەڤە گریت و هەتا دوماهیێ،بکورتی فلمە فیستەڤالا دهوکێ دەرفەتەكە ژبو هەمی دەرهێنەران داکو بەرهەمێن خوە پێشکێشی خەلکەکی بدەن و هەروەها دا بیتە دەرگەهەك دناڤبەرا کارەبدەستان و جڤاکیدا چونکە هەر فلمەک دەربرینێ ژ ئێش و ئازارەکی دکەتن لێ دڤێت ئەم گرنگیەکا زۆر بدەینە ڤان جورە فیستەڤالا چونکە دەربرینێ ژ خەلکی دکەتن ب رێیا هونەری. لێ وەکو یا دیار فلمە فیستەڤالا دهوکێ هەر سالا دهێت ئەنجامدان هەر سالەکێ ژی ب دروشمەکێ دهێت ئەنجامدان ئەڤە سالە یان ژی د گەرا ١٠ یا فلمە فیستەڤالا دهوکێ لژێر دروشمێ( زمانی)یە داکو هەر تشتەکێ مە ب زمانێ دایکێ بیت ، هەروەها لسەر پوستەرێن خوە ژی وێنێ ژنەکا کورد هەروەها د دەستێن وێدا مەشخەلا ئازادیێ یا تێدا و لسەر پشتا هەسپەکێ یە کو ئەڤە نیشانا ئازادیا سەرتا سەریا مللەتێ کوردە ل هەر چوار پارچێن کوردستانێ ئەز داخازا سەرکەفتنێ و سەرفرازیێ بو ڕێکخەر و خوەبەخش و بەشدار بویان دخوازم کو ماندیبونەکا بێ سنوور ئەنجام ددەن داکو ئەڤ فیستەڤالە ب شێوەیەکێ سەرکەڤتی رێڤە بچیتن.