ئەگەرێ سەرەکیێ خراب بکارئینانا تەکنۆلوجیایێ چیە؟
بێریڤان خــدر
دگەل پێشکەفتنا تەکنەلوجیایێ کوردستان ژی بێ بەھر نەبوویە و ب ئاوایەکێ بلەز تەکنۆلوجیا ھاتە دناڤ مە دا لەوما بکارئینانا ڤان ئامیران بۆ ئەگەرێ درۆستبۆنا ئاریشان دناڤ جڤاکی دا، ژبەرھندێ پێدڤی بۆ بەری ئەڤ ئامیرە بکەڤنە د دەستێ ھاولاتیان دا ھاتبانە ھشیار کرن لسەر چاوانیا بکارئینانێ، لێ ئەڤ چەندە ھاتە پشت گوە ھاڤێتن.
ئەڤ بابەتە زۆر گرنگـ و ھەستیارە، ژبەرکو ھاتنا تەکنەلوژیایێ و پێشکەفتنێ ب شێوەیەکێ بلەز بۆ ناڤ جڤاکێ مە ئەگەرەکێ سەرەکی یە بۆ ب کارئینانا خەلەت دناڤ خەلکێ مە دا و ھەبوونا تێستێ پێش ئینانا ڤان ئامێران باشترە ژبەرکو ل ھەموو جیھانێ ھەر ئامێرەک وەک تێست دھێتە بکارئینان، لێ ئەگەرێ سەرەکی یێ ڤێ خەلەت بکارئینانێ لەزاتی بویە و ئەنجامێن نەراست زۆر جاران لێ دروست دبن بتایبەتی لدەف توێژا گەنجان ئەڤجا چ رەگەزی َنێر بیت یان ژی مێ، لەوا دڤێت ھشیاری ھەبیت و بێنە ھشیار کرن و چەوانیا بکارئینانا ڤان ئامێران بزانن داکو ل پاشەرۆژێ توشی ئاریشا نەبن .
راستە ھەبونا ئامیرێن پەیوەندیێ کار ئەڤرۆکە ئاسان کریە بێ کو مرۆڤ خوە ماندی بکەت ئان ژی دەمێ خوە ببەت، بەلێ بدیتنا من ھندەک بەرۆڤاژی د ڤان ئامیران دگەھن و ب خرابی بکار دئینن ئان ژی گەنجێ مە دبیت ژ دوو سێ سیمکارتا پتر ھەبن بۆ نەخوشی و ئاریشان، لەوما دخوازین چاڤدێری ل سەر ھەبیت ژلایێ کومپانیا و حکومەتێ و حەتا مالێ ژی و خولێن ھشیارکرنێ بۆ گەنجان و تاکە کەسان بێنە ڤەکرن لسەر چاوانیا بکارئینانا ڤان ئامیرێن پەیوەندیێ ب ئاوایەک دروست و زانستیانە .
بدیتنا من ئەرکێ سەرەکی لسەر مللێ وزارەتا رەوشەنبیری یە دڤیابا چاڤدێریەکا باش ل خودان پەیچا بێت کرن جونکی پتریا ئاریشێن جڤاکی ئەڤ جور پەیچێن وەهمی ئەگەرن بو تێکدان و نە ئارامکرنا جڤاکی…
Comments are closed, but trackbacks and pingbacks are open.