راهێنه‌رێ یانه‌یا دهۆك یا ته‌پاپێى ده‌ستژكاركێشا و هاریكارێ وى ب شێوه‌یه‌كێ ده‌مكى دێ بیته راهێنه‌ر هه‌تا یانه راهێنه‌ره‌كێ نوى ده‌ستنیشان دكه‌ت
د به‌یانه‌كا یانه‌یا دهۆك به‌رى ده‌مه‌كێ كێم دا هاتیه “پشتی ئەنجامێن لاواز یێن تیمێ د یاریێن بۆری دا راهێنەرێ یانه‌یا دهۆک کاپتن سلێمان رەمەزان دەستژکارکێشانا خۆ پێشکێشی دەستەیا کارگێریا یانه‌یێ کر”.
ديار ژى كریه “پشتی کۆمبوون هاتیە کرن کارگێریا یانه‌یێ ل سەر داخوازا راهێنەرێ ناڤبری رازیبوو و سوپاسیا خزمەتا وی یا بۆری کر و دەستکەفتێن وی ل گه‌ل یانه‌یێ بلند نرخاندن و داخوازا سەرکەفتنێ د دەمێن داهاتی دا بۆ خواست”.
يانه‌یا دهۆك ل جهێ وی راهێنه‌رى، هاریکارێ وی حەیدەر سەباح بۆ وه‌رگرتنا ئه‌ركێ راهێنه‌ریا یانه‌یێ ده‌ستنیشانكر هەتا کارگێری بڕیارێ لسەر دەستنیشانکرنا راهێنەرێ نوى بدەت، ل گۆره‌ى به‌یانا یانه‌یێ.
یانه‌یا دهۆك پشتى 9 یاریان د خۆلا ستێرێن ئیراقێ یا ڤى وه‌رزى 2023-2024 دا ب كۆمكرنا 12 خالان ل رێزا نه‌هێ دهێت.
Comments are closed, but trackbacks and pingbacks are open.