زەنون سلێڤانەی ـ زاخو
هونەر پەیامەکا پیروزە و راستەقینەیە دناڤ شاپەرێن خودا دلوڤانی و هەست نازکی دڤەرێژا هزرا مروڤاێەتیێ ڤەدگریت کو پێدڤیە مروڤ بخوە ب رەوشەنبیرکرنەکا بەرفرەهـ بکەن هزرێن خوە زەنگین بکەت دا ببیتە کەسەکی شارەزا و داهینانێ بکەت دبیاڤێن هونەر و پێشڤەبرنا میللەتان ،
ئانکو میللەتێ کورد ژ وەك هەموو نەتەوە و گەلێن جیهانێ خودان سامان و هونەرەکی مەزن هەیە دهەموو دبیاڤێن کارکرنێ دا ژبو خزمەتکرنا بزاڤا چاند و زمان و هونەرێ کوردی .
هونەرمەند و دەنگبێژێ نەمر ئەیاز یوسف زاخویێ ئێك ژ وان دەنگبێژێن خودان دەنگەکی زێرین و خوش و زەلال بەردەوام ل جڤین دیوانا دەنگبێژان گوهداریا زوربەیا سترانێن دەنگبژێن کورد کریە .هەر دڤیا ژیێ خوە تەرخان بکەت ژبو خزمەتکرنا موزیك و سترانا کوردی ، بەلێ دوی سەردەمی دا حەزا ستران گوتنێ یاسترانێن نەتەوەیێ و نیشتیمانیێ بزەحمەتر بوو پێخەمەت نەبوونا هەناسەیا ئازادیێ دناڤا جەرگێ دوژمنی بشێوازەکی دی سەلیقەتا سترانێ دهاتە گوتن ئەیاز زاخویێ ئێك ژوان دەنگبێژان بوو بشێوازەکێ ل کاودانێن لژێر بن دەستیێ ستران دگون وەك سترانێن (وەلاتێ من باغچێ گولا . نەوروز هات گول ریحان . دایێ عەشقاتە دژوارە ، دادێ لاندکێ بهەژینە ئێك برەنگەگێ رامانا خوەیا تایبەت هەبوو روژ بو روژی دناڤ مەژیێ وهەست و دەرونێ گوهدارو حەژێکەرێن سترانا سەرهلدایە ،
هونەرمەندو دەنگبێژێ نەمر ئەیاز زاخویێ بدەنگێ خوەیێ نازك و زەلال زوربەیا ئاوازو پەیڤێن هەلبەستڤانێن کورد سترانێن ئەڤینیێ و دلداریێ و عەشقا سروشتێ خەمل و جانیا وەلاتی پێ ڤەهاندیە ،مینا هەلبەستڤان عبدالعزیز سلێمان و خالص خەلیل و ……….. هند ،
لێ مخابن هونەرمەندو دەنگبێژێ خودێ ژێ رازی بیت ئەیاز زاخویێ بئەگەرێ نەخوشیەکا گران روژ بو روژێ باندورا خوەیا نەرینی لسەر ساخلەمیا دەنگبێژی دکەت ، دەمێ ژ باژێرێ زاخو دەردکەڤیت بو چارە سەریا نەخوشیا خوە روندك دباراندن ژ خەریبیا باژێرێ زاخو گەرا میری و خیزێ دوو ئاڤێ و پرا دەلال هەر دڤیا بەردەوامیێ ب هونەرو موزیکا سترانا کوردی بدەت بەلێ وێ نەخوشیێ ئاوازو دەنگێ زەلال لێ هشك دبیت ل نەخوشخانا کوماری ل باژێرێ میسل دئێتە نڤاندن لژێر چارەسەریا بزیشکی ل روژا ۲۰/۱/۱۹٨٦ ل روژا پاشتر بئەگەرێ ڤێ نەخوشیا گران مالئاڤاهی کریە ل روژا ۲۱/۱/۱۹٨٦ درێورسمەکێ پری و شینیێ و خەمگین دا تەرمێ وی ل جادە وکولانێن باژێرێ زاخو دهێتە گێران بەرەف گوردستانا زاخو یاکەڤن ڤە دچیت لوێرێ دئێتە خاکسپاردن ئەیاز یوسف زاخویێ سامان و هونەرەکی مەزن ل پاش خوە دهێلیت دگەهیتە کاروانێ نەمران ل ئاسمانێ موزیك و سترانا کوردی دا بوویە ستێرەکا گەش هەیا نهاژی دناخێ جەماوەر گوهدارو حەژێکەرێن دەنگێ وی یێ بوویە چراێەکی گەش و هەر یێ هلە و ناڤەمریت ،
Comments are closed, but trackbacks and pingbacks are open.