سالار محەمەد فەتاح
ئێک ژ پەیمانگەهێن نەحکومی یا ب ناڤێ زاخۆ، بۆ ماوەیێ سیێ ڕۆژان پێشانگەهەکا پەرتووکان هاتبوو دانان، ژ بۆ پتر هاندانا قوتابیان ژ بۆ خواندنا پەرتووکان و پێشڤەبرنا ئاستێ ڕەوشەنبیریا خواندەڤایان، بەلێ ژ بەر ڕاوەستاندنا ترۆمبێلا پێشانگەهێ ل جهێ ترومبێلا ڕێڤەبەرێ پەیمانگەهێ، ژ لایێ پەیمانگەهێ ڤە پێشانگەهـ هاتە داخستن، و ب شێوەیەکێ توند ژ لایێ ڕێڤەبەر و کومەلەیەکا خویندکاران بێ ڕێزی ب ستافێ پەرتووکخانێ هاتییە کرن.
ژ هەژی ئاماژەپێدانێ یە کو ب هێچ شێوەیەکی جهـ یێ تایبەت نەبوویە، و هێچ ناڤونیشانەک ل سەر پارکا ترومبێلان نە هاتبوو نڤیسان. هەروەسان ژ بەر کو پەیمانگەهەکا دوو دەوامی بوویە، و ل دویڤ داخوازیا ئێک ژ ماموستایێن وانا پێشانگەهـ بۆ وان ژی هاتبوو ڤەکرن، بەلێ جهێ داخێ یە کو کارەکێ هوسا نە جوان بەرامبەر پەرتووکخانان بهێتە کرن.
تشتێ نە جوان ڕێڤەبەرێ پەیمانگەهێ هەولا لێدانا کارمەند و ستافێ پەرتووکخانێ دایە، و ب زمانێ گەڤان دگەل ئاخڤتی یە، و هەمان دەمدا قوتابی ژی دگە ڤی تشتی دا بەژداربووینە…
ئەڤە د دەمەکێ دا دهێت کو پێش نوکە ب شێوەیەکێ ڕاستەوخۆ ژ لایێ ئێک ژ ماموستایێن ئەڤێ پەیمانگەهێ ڤە ل پێشانگەها (زانکۆیا زاخۆ یا پەرتووکان دژایەتیا ڤێ پەرتووکخانێ هاتبوو کرن)، ب قوتابیان گوتبوو هەر کەسەلێ پەرتووکێ ژ ڤێ پەرتووکخانێ بکریت نمرەیان نا وەرگریت، بەلکو ئاراستە دابوونە پەرتووکخانەیەکا دی ژ بۆ بازرگانی کرنێ.
ئەڤە د دەمەکێ دا دهێت سەرەرای برینا کارەبێ، و دراندنا وێنەیێن ل سەر پەرتووکخانێ، و وان هەلبەستێن نڤیسکارێن میناکا (ئەحمەدێ خانی) و دەهان هێرشێن دی ل سەر پەرتووکخانێ، لێ پەرتووکخانە هێشتا د کاروانێ خزمەتکرنا خواندەڤایان دایە.
Comments are closed, but trackbacks and pingbacks are open.