غــەیــدا بێـــروخــی
ل (١٤)ی ئاداریی (١٩٠٣) ل بارزانا شێرا یی ژ دایک بووی ، ژێی وی تنێ (٣) سال بوویە کو دگەل دەیکاوی او هەردوک یت هاتیە زیندانی کرن د دەما هەلمەتا عوسمانیا پشتی کو شێخ عبدالسلامی بارزان تێتە دەستگیرکرن ونزیکی (٩) نە هەیڤان د زیندانێ دمینیت.
بەشداری د زۆر شۆرەشان دا کریە ژبلی شۆرەشێن بارزان ،وەکی شورەشا شێخ محمودی حەفید ل ساڵا (١٩١٩) و سەرکرایەتیا هێزا ڤی شۆرەشی یی کری کو هژمارێ وان نزیکی (٣٠٠) جەنگاوەرو ئازادیخاز بووینە.
ژلایی شێخ احمدی بارزان وەکی شاند (وفد) یی چویە دەف شێخ سعیدی پیران ل کوردستانا باکور ب مەرەما هەڤرێزی و تەنسیق کرنا شۆرەشی ، د دەما شۆرەشێن کوردی ل ساڵا ( ١٩٣١١٩٣٢) سەرکرداتیا هێزەکا مەزن کریە ژ بۆ پاراستنا مێرگەسور شێروان ل دژی ئێرشا ئینگلیز.
ل شەرێی جیهانی یی دووەمین شۆرشەک ل بارزان بەرپا کر کو ل(٢٥٠٠) پێشمەرگان پێک هاتبو، ل ڤی دەمی بەغدا کۆنتروڵا خو ل دەست ددەت ل دەڤەریێ بارزان هیچ دەسەڵاتەک ل سەر نامینت، پشتی ساڵەک و نیڤان حکومەتا عیراقێ ئێرشەکا توند دکەتە سەر دەڤەری و پشتی خۆراگری و بەرگریەکا زۆر هێزێن کورد ڤەکێشاندنی دکەن بۆ ( کانی رەش) سەر سنوریێ تورکیا.
ل ساڵا (١٩٤٦) د دەما رێورەسما راگەهاندنا کۆمارێ کوردستانێ ل مهابات دگەل قازی محمد دابو و پلەیا ژەنەراڵی یی وەرگرتی و سەرکرداتیا هێزێن دەولەتا کوردستانی یی کری ل ڤی دەمی دا، پشتی تەمام بونا شەریێ جیهانی یی دووەمین روسیا ڤەکێشاندنی دکەت ل ئیرانی.
ئیدی کۆمارێ کوردستانێ کو ژێی وی ساڵەکە نامێنیت و شەر دناڤبەرا هێزێن کوردی کو بابێ نەمر سەرکرداتی دکر و هێزێن ئیرانێ دروست دبیت، پشتی بەرگریەکا زۆر ژلایی جەنەراڵی چیایان بابێ نەمر جارەکا دن ڤەکێشاندنی دکە ن بۆ ئیکەتیا سۆڤیەت ل ڤیرێی دمینت هەتاکو ساڵا (١٩٦٨).
پشتی ئینقلابا دوویی یا بەعسیان دهێتەڤ عیراقێ و دانوستانێ دگەل حوکمەتا عیراقی دکەت و پەیمانناما (١٩٧٠) ئیمزا دکەن، کو دبەرژەوەندیا کوردا دابو ئیک ل بەند و مەرجێت وی ئەو بوون کو کورد بەشەکە ژ حوکمەتا عیراقی و کوردو عەرەب هەڤپشکن ل حوکمرانێی و هزمانی کوردی هزمانێ فەرمیە.
لێ هند ناکێشێت وەکی هەمی جاران عیراق جارەکادن خیانەت کر و رێکەفتن دگەل ئیرانێ کر هەر ئەڤە بو کو رێککەفتنا جزائیر (١٩٧٥) ئیمزاکر، هەر ل ڤی دەمی بابێ نەمر نەساخ دکەڤیت ژ بو مەرەما چارەسەریێ قەسدا ئەمریکا دکەتن ل ڤێری دمینت بۆ چارەسەرێی هەتا کو ساڵا (١٩٧٩).
ل ژێی (٧٥) ساڵی ل نەخوشخانا جۆرج واشنتن ل ئەمریکا کۆچا داوی کر و تەرمێ وی تینیەڤ کوردستنا روژهەڵات ل شنۆیی ڤەدشێرن هەتاکو پشتی راپەرینا ئاداری ١٩٩١ تینیەڤ زێدیێ باب و باپیرا بارزانی شێرا، هەمی ساڵا هەمێ تەخ و توێژ قەسدا مەزاران دکەن و سۆزی ددەن و پەیمانا خۆ نوێ دکەنەڤە کو دێ هەر ل سەر رێبازیێ پیرۆزێی بارزانی نەمر بن ژبۆ پاراستنا کوردو کوردستانێ.
هزاران درودو سڵاڤ ل گیانێ پاکی بابێ نەمر و ئیدریسی هەردەم زیندی و هەمی شەهیدین رێکا ئازادیا کوردستانی بن گیانێ وان شاد و ئارام بێت.
Comments are closed, but trackbacks and pingbacks are open.