ناجح بێجانی:
بەری چل وپێنج سالا وەختێ پێشمەرگە دهاتیە گوندێ مە، ئەز زاڕۆک بم ، من گەلەک کەیف ب پێشمەرگەیی دهات وەکو هەر زاڕۆکەکێ دی یێ گوندی باش بیرا من دهێتن پسیار ئەڤە بوو مامۆ کوردینی دێ کەنگی چێبیت ؟ بەرسڤ بڤی رەنگی بوو هەتا دبیتە وەرزێ بوهارێ ، هینگێ پەیڤا کوردینی یا بەربەلاڤ بوو ، مە ژی باوەر دکر ژ بەرکو ژییێ مە یێ بچووک بوو ئەم ژی ل هیڤییا بوهارێ مایین و پاشی ئەڤ بوهارە بوو ڕاستی، هەتا کو سالا (١٩٩١) ێ خەلکێ کوردستانێ بێ جوداهی دژی داگیرکەرێن کوردستانێ سەرهلدانکری وب ئۆمێدا هندێ ئەڤ دەردەسەری ونەخوەشیێن ب سەرێ مللەتێ کورد هاتن ژ ئەنفال وجینۆسایدو دەربەدەرییێ و زۆردارییێ ڕزگار ببن و هەست ب هەبوونا خوە بکن ب هەموو کیماسێین خوە ڤە ئەم ئازاد بوون ، هەر تاکەکێ کورد هەست پێکر چەند ئازادی یا خوەشە وهەر چەندە ژیان گەلەک یا بزەحمەت بوو ، لێ خەلک هەموو ب وی کاودانی رازیبوون ژیانا هەمیان وەکو ئێکبوو بێ جوداهی ژیانەک سادە، لێ ب باوەریەک موکم هەست ب هەبوونا خوە دکر وەکو کورد ئەڤ کاودانە بەردەوامبوون، سەر ئاستێ جیهانێ ژی پەیوەندیێن مە کوردان وەکو دەولەتەکێ بوون هەتا کو سالا (٢٠٠٣ ) ێ ب ئێکجاری ڕژیمێ بەغدا ژ ناڤ چووی ئەڤە ژی دەلیڤەک زێرن بوو هاتییە پێش ب تایبەتی بۆ کوردان و دڤییابا سەرەدەریەک باشتر هاتبا کرن و مفا ژێ کاودانا وەرگرتبا ، ئەڤە ژی هەر دەستپێکا بوهارێ بوو وی وەختی تاکە هێز بشێتن ئیراقێ ب پارێزت هێزا پيشمەرگەیی بوو هەتا ڕادەیەکێ ئەڤە کر ، ل بمخابنڤە ژ بەر ناکوکێن ناڤخوەیی و دژی هەڤدوو دیسان گەلەک گڕنگێ پێ نەهاتە دان وڕۆژ بۆ ڕۆژێ مە سەنگا هێزێ ژ دەست دا ل ئیراقێ، ئەم گەلەک ب ساناهی ژ دۆژمنێن خوە باوەر دکن ئەڤە ژی خالەکا لاوازییا مەیە ، هەر وەختێ ئەم بهێز دۆژمنێن مە وەکو برانە دگەل مە و دەمێ ئەو بهێز دبن ، ڤێجا غڕۆر دبن تەپکا بۆ مە دکولن و پیلاناگێرن دژی مە و هەتا ڤێگاڤێ ژی بەردەوامن هیچ جارەکێ دلۆڤانی ب مە نەبرییە هەر گاڤەکا دەلیڤە بوو چێبووی دربێ خوە یێ وەشاندی و دڤییا مە سەربۆر ژێ وەرگرتبان ، هەتا کەنگی ئەم دێ خوەش باوەر بن ، ئەرێ بڕاستی ژی ئەم کورد ب کێر حکومرانییێ نایین وەکو دۆژمنێن مە ئاماژەدایی ، یانژی ئەم بخوە ئەگەرین دەمێ مرۆڤ شاشیەکێ دکن دڤییا دوبارە نەکت بۆچی ئەم سەربۆرا ژێ وەرناگرین و دوبارە دبن ئەرێ وەخت نەهاتییە ئەم دۆژمنێن خوە بناسین و پێداچوونەکێ ل خوە بکن بۆچی ئەم گەهشتینە ڤێ قۆناغێ ژ بەرچی باشە مە ئەم نە هەر ئەو کەسێن ێین ب سەرهلدانێ ڕابوون داکو ئازادبن و هەستی نەتەوەیی نوکە ل چ قوناغە بلا هەر کەسەک ژمە پسیاراخوە بکت وبەرسڤ یا دیارە ئەگەر چیبوون چ بسەرێ مە هات ژ دوورشمێن دەولەتبوونێ و کوردستانەکا سەربخوو ئەڤرۆ کە چاڤ وگوهێن هەر کەسەکی ل سەر هندێ بن کا بەغدا دێ کەنگی پارا فڕێکەن ئەڤە ژ سادەترین مافێ خەلکێ کوردستانیێ یە ئەرێ ما خەبات وتێکوشن وقوربانی دا گەلێ کورد بو هندێ بوو دۆژمنێن مە بڕیارا ل سەر مەسەپینین ب دەهان بڕیارێن دۆژمنکارانە ب ناڤێ دادگەها فیدرال دژی خەلکێ کوردستانێ بدەن ، یا ژ هەمیان کەمباختر نە هێلانا ئەو پێکڤە ژیانا ئاشتییانەبوو ، بۆ وان ئۆل ونەتەوەیێن جودا ل کوردستانێ دژین ئەڤە دەستپێکەکا مەترسیدارەو هێشتا پێنگاڤێین دویڤڕا ب بۆچوونا من دێ هەریمێ بچووکتر کن ئەگەر بۆ بچیتە سەری ، ئەم ژی بێ دەنگێن نوزانم چاڤەڕێیێ چ بن هەر دێ بێژن: ئێکڕێزییا کوردا هەبوونا سەرکەفتنا مەیە و لێ دیسان بمخابنڤە ئەگەر ئێک بژێت کورد دێ بێنە ئێک ئەڤە ژ (موستحیلاتانە ) و خودێ کوردستانا مە بپاڕێزت.
Comments are closed, but trackbacks and pingbacks are open.