سەردار هێتوتی
دەمەکێ درێژە سڤکاتی ب گەل و حکومەت و سازیێن کوردستانێ ژلایێ شیعەیێن دیکەفتیێن ئیمامێن بێ ناڤ ڤە دهێتەکرن، وان ل ژێر پەردێ عیراقی بوون و دگەل لایەنێن کوردی یێن باشوور بزاڤا لاوازکرنا حکومەتا هەرێما کوردستانێ دایە و هێدی هێدی یێن دگەهنە ڕاستیا خەوانا خۆ، چ نەمایە گەل ب تمامی دێ کەڤیتە ژێر کاریگەریا گۆتارا وان یا بهێز و دیری بابەتێ لۆژیکی.
وێ دادگەها ب ناڤ فیدرالی کو بریارێن وێ ل تەهران دهێنە نڤیسین و ل بەغدا بۆ رایا گشتێ دهێنە خاندن د سەری دا کار لسەر لاوازکرنا سازیێن کوردستانێ کریە و ساڵا بووری د ڤی دەمی دا بریارا ڕاگرتنا پەترۆلا کوردستانێ دا و شیا ب ڕێکا دادگەهێن ناڤدەولەتی ڤێ بریارێ بسەپینن و پاشان ل ساڵا بووری بۆدجە بۆ سێ مووچەیان نەهنارت و حکومەتا هەرێمێ ب ڕێکا دیڤەلانکێن خۆ نەچار کریە کو میلاکێ گشتێ یێ هەرێمێ ڕادەستی وان بهێتەکرن و دێ کار لسەر هندێ ژی کەن کو ڕاستە ڕاستە سەرەدەریێ دگەل فەرمانبەرێن هەرێمێ بکەن.
بریارا ڤەکێشانا پارتی ژهەلبژارتنێن کوردستانێ د جهێ خۆدایە و دڤێت زیتر ئەڤ کارە هاتبا ئەنجامدان و بلەزتر بریارا ڤەکێشانا پەرلەمانتارێن کورد یێن سەر ب پارتیڤە ل بەغدا هاتبا دان و پاشان کار بۆ کێشانا سنوورێ دەستهەڵاتا وێ دادگەهێ بهێتەکرن و ڕێکا ڕاست بۆ بهێتە شرۆڤەکرن.
لەوما دبێژم دڤێت بریارا ڤەکشاندنا پەرلەمانتار و وەزیرێن پارتی ل بەغدا بلەز بکەڤیتە دوارێ بجهئینانێ دا و کار بۆ برینا دەستێ دز و گەندەلێن نافخۆ بهێتەکرن ژلایێ سەرۆکی ڤە.
Comments are closed, but trackbacks and pingbacks are open.