ژلایێ نڤیسەر (هلات حسن مزوری)
بەرفرەهبونا بەرگێن شکاندنێ وهەتکبەریێ وکەرب وکین ۆ نزمکرن ب ئامرازێن ڕاگەهاندنێ دا دقەیرانێن هەرێما کوردستانێ ئەوا دژیت د بارۆدۆخێن سیاسی و بەرتەنگبۆنا دارایی یا بۆیە گێلەشوکەکا بەرچاڤ ل سەر باکڕاوندێ ناکۆکیێن سیاسی دناڤبەرا پارتێن سەرەکی ل هەرێمێ ،ئەڤێ پەقینێ کارڤەدانێن ترسناک کرینە ل سەر هەرێمێ ب ئاماژەیا فەرهەنگا کەرب ۆکینێ وشکاندنێ وخەبەر گۆتنێ کۆ هندە دێ بنە داب ۆنەریت وعورف یێن هەیی ل هەرێمێ،
“ب خە م ڤە ڕاگەهاندن نەبۆیە دەرگەهێ چارەسەریە”
ب تایبەت کۆ دەزگەهێن ڕاگەهاندنێ دڤان ساڵان دا ژ ڕۆژنامەگەری یا لاپەڕی بۆری یە و بەرەڤ زێدەبونا کەناڵێن ئاسمانی وتەلەفزیونی و سۆشیالی وڕادیۆی و سەنتەر و پەیجێن ڕاگەهاندنێ چۆیە وبەهراپتر ب سەر ئەحزابێن سیاسی نە وهندەک سەر ب ئۆپۆزسیۆنێ ڤەنە،وگەلک جارا زانیاریێن نەدروست دگەهن سەڕەڕای کۆ هەرێمێ یاسایێن باش هەنە بۆ ڕۆژنامەگەریێ و گەهاندن بۆ زانیاریا لێ پا ئاریشە هەنە د جێبەجێکرنێ دا ژلایێ دەسهەڵاتا دادوەری و جێبەجێکرنێ ب تایبەت بۆ گەهاندنا زانیاری یا کۆ ئەڤرۆ هەرێم د بارودۆخەکێ ب زەحمەت د بۆریت ،
ب خە م ڤە ڕاگەهاندن نەبۆیە دەرگەهێ چارەسەریە بەلکۆ ب پێچەوانە ڤە یا دبتە لایەنەکێ سەرەکی و گرنگ د بلندبونا ناکۆکیێن کوردی-کوردی ئەڤەژی بۆیە ئەگەرێ ژێکڤەبونا جڤاکێ کوردی و گران ل سەر کوردان ڕاوستیایە ب تایبەت کۆ ب دەهان پەیج ۆ گڕۆپێن ئەلکترونی ل سەر سۆشیال میدیایێ هەنە کۆ د پاڵپشتن ب سیاسی وئابوری ولدیڤ هندەک ئەجنیدەیێن سیاسی یێن خواندی وپلانکەر کاردکەن دا تۆڵڤەبونێ ژ لایەنێ ناکۆک بکەن ب ڕێیا بەڵاڤکرنا بەلگە و دۆکییۆمێنتێن درەو وسەختە ب وێنە وڤیدیۆیان ئەڤەژی هندەک جارا دناڤبەرا لایەنێن سیاسی ڕویددەت و هندەک جارا ژی ئۆپۆزسیون ئەنجام ددەت.
Comments are closed, but trackbacks and pingbacks are open.