عمر توڤی ـ زاخۆ
ل رۆژا ٦ نیسانێ به‌رێز نێجیرفان بارزانی سه‌روکێ هه‌رێما کوردستان سه‌ره‌دانه‌کا چاڤه‌رێ کری گه‌هشته به‌غدا و گوته‌بێژ لسه‌ر دوماهیك پێشهاتێن سیاسی و ئابووری دنافبه‌را هه‌ولێر و به‌غدا هاتنه کرن و به‌رێز نێچیرفان بارزانی ب که‌سایه‌تیه‌کێ کارێزما و دیبلوماسی دهێته وه‌سف کرن دناف کومه‌لگه‌ها نیف ده‌وله‌تی .
ئه‌گه‌ر دیراسه‌ته‌کێ لسه‌ر سه‌ره‌دانا و چڤینێن هاتینه ئه‌نجام دان بکه‌ین هه‌ر ل بنیات دا ئه‌ڤه ب سه‌ره‌دانه‌کا پروتوکولی دهێته دیار کرن دناف یاریگه‌ها سیاسه‌تا عێراقێ دا کۆ ئه‌و گرێیا سیاسی و ئابووری ئه‌وا که‌فتیه دنافبه‌را وان لایه‌نان دا ئه‌وێن به‌شدار بووین دناف هاوپه‌یمانیا ئیداره‌یا ده‌وله‌ت دا و گرێ بهێنه فه‌کرن و چاره‌سه‌ریه‌کا ریشه‌یی بهێته دیتین ژ بۆ وان ئاریشێن سیاسی و ئابووری دنافبه‌را هه‌ولێر و به‌غدا دا .
گه‌له‌ك پسیار دکه‌ن ئایا بوجی سه‌ره‌دانه‌کا پروتوکولی بویه …..جونکی ئه‌ڤ کومبون و چڤینێن هاتینه ئه‌نجام دان ته‌نها به‌حس لسه‌ر دوماهیك پێشهاتێن سیاسی و سه‌روه‌ریا عێراقێ هاتیه کرن و هه‌مان ده‌م به‌حس ل وان گرێیا هاتیه کرن ئه‌وێن نها بوینه ئه‌گه‌ر هه‌ماهه‌نگیێن سیاسی و ئابووری دنافبه‌را هه‌رێمێ و عێراقێ دا لاواز بیتن و ئه‌و بریارێن نه‌ده‌ستوری و نه یاسای و ب سیاسه‌ت دهێنه قه‌لم دان ژ لایێ دادگه‌ها فیدرالی هاتینه دیارکرن هێرشه‌که لسه‌ر هه‌رێمێ و وان بریارێن سیاسی به‌رامبه‌ر هه‌رێما کوردستانێ بکاردئینن دا کۆ هه‌رێم ل رۆیێ پێگه‌هێ پروسه‌‌یا سیاسی و ئابووری للسه‌ر ئاستی وه‌لاتێن ئه‌قلیمی و نیف ده‌وله‌تی دا لاواز بیت .
به‌ری سه‌روکوه‌زیرێ عێراقێ سه‌ره‌دانا ئه‌مریکا بکه‌ت ب رێکا ۹ ئه‌ندامێن کونگرێس ئیداره‌یا بایدن داخازنامه‌یه‌ك و ب ئیمزایا هه‌ر ۹ ئه‌ندامان پێشکێشی جون بایدن هاته کرن داخاز هاته‌کرن به‌ری کوچکا سپی ل رۆژا ١٥ نیسانێ پێشوازی ل محمد شیاع سودانی بکه‌ت دڤێت عێراق چاره‌سه‌ریه‌کا ریشه‌یی ژ بۆ ئاسته‌نگێن سیاسی و ئابووری دنافبه‌را به‌غدا و هه‌ولێرێ دا دیار بکه‌ت .
ئه‌گه‌ر ئه‌مریکا پێشوازی ل محمد شیاع سودانی بکه‌ت و ئه‌و ئاریشێن سیاسی و ئابووری دنافبه‌را عێراقێ و هه‌رێمێ دا چاره‌سه‌ر نه‌که‌ن و پاش کوچکا سپی پێشوازی سه‌روکوه‌زیرێ عێراقێ بکه‌ت ئانکو رامان ل ڤێره ئه‌وه ئیداره‌یا جون بایدنی ب هه‌می شێوه‌یان به‌رامبه‌ری سیاسه‌تا ئیرانێ ل رۆژهه‌لاتا نافین شکه‌ستن و لاواز بوون ب خوڤه دیتیه .
هه‌مام ده‌م ئه‌و کومبونا هاتیه ئه‌نجام دان دنافبه‌را هاوپه‌یمانا ئیداره‌یا ده‌وله‌ت و نێچیرفان بارزانی به‌حس ل سه‌ره‌دانا محمد شیاع سودانی ژ بۆ ویلایه‌تا ئێکگرتی ئه‌مریکا هاتیه کرن و نها دا پتر ژ هه‌ر جاره‌کێ محمد شیاع سودانی پێتفی ب کوردان هه‌یه و پشته‌فانیا وی بکه‌ن لسه‌ر ئاستێ کومه‌لگه‌ها نیف ده‌وله‌تی دا .
نها دا چاره‌نفیسێ عێراقێ که‌فتیه دناف جاڵه‌کا سیاسی نه‌دیار دا و عێراق به‌رده‌م هه‌لبژارتنێن نه چاڤه‌رێ کری دایه و کوده‌نگیا لایه‌نێن سیاسی ل هه‌رێما کوردستانێ تایبه‌ت هه‌ردوو پارتێن ده‌ستهه‌لاتدار پارتی و ئێکه‌تی ژ بۆ سه‌روه‌ریا عێراقێ زۆر گرنگه جونکی ئه‌گه‌ر هه‌رێما کوردستانێ ل رویێ سیاسه‌ته‌کا گتشتگر یاا بهێز بیت وێگاڤێ عێراق ژی هه‌مان بهێزبوونا سیاسی ب خۆڤه‌بینیت و تایبه‌ت محمد شیاع سودانی و کابینه‌یا هاوپه‌یمانیا ئیداره‌یا ده‌وله‌ت جونکی محمد شیاع سودانی کار دکه‌ت ژبۆ رازی کرنا لایه‌نێن کوردی دا کۆ بوو جارا دوو محمد شیاع سودانی پوستێ سه‌روکوه‌زیران وه‌ر بگریت .
Comments are closed, but trackbacks and pingbacks are open.