▪  هەرێما کوردستانێ و کارتا ڕیفراندۆمێ )ئایا هەرێم دشێت دڤێ قۆناغا گران بەرەڤ کارتا ڕیفڕاندۆمێ بچیت??

ژلایێ نڤیسەر وپارێزەر (هلات مزوری) 

هندی وەزعێ سیاسی و ئەمنی بمینت ل سەر ڤی بارۆدۆخێ ناڤخۆییا عێراقێ دێ وەک خۆ مینت وبەردەوامی ئاریشە دناڤبەرا هەولێر وبەغدا دێ مینن بێی چارەسەری وهەرێما کوردستانێ خۆ دبینت قۆڕبانی دڤی بارودۆخی دا ، حالێ هەرێمێ وەک پشیکەکا دۆرپێچکری لێ هاتی د کۆژیەکا بەرتەنگ دا ویا دکەڤیتە بەر لێدانێن مادی ومەعنەوی ولەشکەری و سیاسی کۆ ئەگەر پشیک ژهەمی لایەکی ڤە هاتە دۆرپێچکرن ولێدان وئێشان ۆ چ ڕێک نەدیتن بۆ ڕەڤینێ دێ کەتە غار بەرەف لایێ هێرشبەری .وئەوژی هزرا د لاپەڕێن خۆ دادکەت کۆ هندەک جاران لێدوانا دەت کۆ وێ ژی کارت هەنە وئێک ژ ڤان کارتان دویماهیک ئینانا بلوک کرنا ئەنجامێن ڕیفراندۆمێنە کۆ بەری حەفت ساڵان هاتی یە ئەنجامدان وپتر ژ 90 ژسەدێ ژ هاوڵاتی یێن هەرێمێ د بەرژەوەندی یا هەرێمێ دەنگ داینە ب بەلێ ژ بۆ سەربەخۆییا هەرێما کوردستانێ لێ پا بکارئینانا ڤێ هەلبژاردەیێ ل سەر گەلک هۆکاران دڕاوستیت وگرنگترین خال ئەڤەنە:

1 – پاڵپشتی یا ئەمریکا بۆڤێ هەلبژاردەیێ ونەیا دیرە حکومەتا عێراقێ داخواز ژ ئەمریکا بکەت بۆ ڤەکێشانێ ئەگەر ئیران و میلیشیاتێن ئیرانی ب سیاسەتا خۆڤە بەردەوام بوون بەرامبەر هەرێمێ و ئەمریکایێ.

2- پاڵپشتی یا تورکیا بۆ ڤێ هەلبژاردەیێ گرنگە بەرامبەری ئیمزاکرنا هاریکاری یا هەڤپەیمانا دناڤبەرا تورکیا وهەرێمێ کۆ هەرێم ب تمامەتی پشکداریێ بۆ قەوارێ تورکیا بکەت ب خۆدانکرنا ئەجینداتێن وێ ل ناوچەیێ کۆ چ هەلبژاردە بەرامبەر تورکیا نامینن وئەگەر ئیرانێ دوژمنایەتی یا هەرێمێ کرد دێ تورکی یا هەرێمێ ڤەکێشت بۆ لایێ خۆ ب تایبەت کۆ هەرێم نوینەرایەتی یا گرنگییەکا ب هویرە ل دەڤ تورکیایێ.

3 -دەستویری دانا نیڤ دەولەتی یا ئەمریکی وتورکی بۆ هەرێمێ ب دوبارە هنارتنا نەفتێ پشتی بەردەوامی یا بەغدایێ ب نەهێلانا هنارتنا نەفتێ وماناهەرێمێ بێ بوودجە.