بودجەیەک بۆ هشکەسالیێ هاتە تەرخانکرن
زێ بادینان
حکومەتا هەرێما کوردستانێ بودجەیەک بۆ بەرهنگاریا هشکەسالیێ تەرخان کر و بریار دا ب هەماهەنگی ل گەل وەلاتێن جیران چارەیەکێ بۆ کێشا هشکەسالیێ ببینن.
ب سەرپەرشتیا قوباد تالەبانی، جێگرێ سەرۆکێ حکومەتا هەرێما کوردستانێ و ب پشکداریا بریکارێ وەزارەتا چاندن و ژێدەرێن ئاڤێ، پارێزگارێن دهۆک، هەولێر، سلێمانی، هەلەبجە، و سەرپەرشتێن ئیدارەیێن راپەرین و گەرمیان، هەروەسا نینەرێن وەزارەتێن باژێرڤانی و پلاندانانێ کۆمبوونەکا تایبەت بۆ بەرهنگاریا هشکەسالیێ هاتە کرن.
د کۆمبوونێ دا بریار هاتە دان بودجەیەکا تایبەت بۆ چارەکرنا کێشەیا هشکەسالیێ و دروستکرنا سکرێن بچیک بۆ هەلگرتنا ئاڤا بارانێ بهێتە تەرخانکرن و گرنگی دایە دابینکرنا ئاڤا ڤەخوارنێ بۆ وەلاتیان و پرۆژەیێن کەرتێن چاندن و پیشەسازیێ.
هەروەسا بریار هاتە دان ڤی بابەتی ل گەل حکومەتا فیدرال ژی بەحس بکەن، هەروەسا ب رێکا کەنالێن دپلۆماسی ل گەل وەلاتێن جیران ژی گۆتوبێژان بکەن بۆ بابەتێ چەوانیا کونترۆلکرنا بەردانا ئاڤا سکران ب جۆرەکێ کو د بەرژەوەندیا هەرێمێ دابیت.
Comments are closed, but trackbacks and pingbacks are open.