▪   مامۆستا و قوتابی  ..

پەروەردە و فێرکرن بەرێ بنیاتێ ئاڤاکرنا کەسایەتیا تاکی و خێزانێ یە چونکی ئەگەر تاک ئاڤا بوو ئەڤە خێزان ئاڤا بوو و جڤاک و مللەت ئاڤابوون و ئەڤە ژیانەکا تەندورست پەیدا بوو و ئەڤە ھەمیا ئەرک و مافێن خۆ زانین ،ئەڤە ھوسا خەلک ئازاد و بوو قەیدو زنجیرێن کوێلایەتیێ ھاتنە شکاندن ،چونکی زانین و زانست دەرگەھێن مەزن بۆ چوونا ناڤ بیاڤێن مەزن ئازادیێ و سەربەستیێ و رێک و رێبارا ل بەر مرۆڤی رۆھن و زەلال دکەت و مرۆڤی ددانیتە سەر سکێ راستێ ژیانێ و وێرەکی ل دەف مرۆڤی پەیدا دکەت کو بەرسینگێ ستەم و ستەمکارا بگریت و وێرەکانە رێکا خۆ بشەقینیت .لەوما دبێژین قوتابی ئایندێ ڤی وەلاتینە و ماموستایێ چراکن رێکا ل بەر وان قوتابیا رۆھن دکەن و بەرێ وان ددەنە زانست و زانینێ ،داکو دپێشە رۆژێ دا ببنە ھەلگرێن بارێن گران و مەزنێن وەلاتێ خۆ و دئاستێ ھندێ دا بن بکارن وەلاتێ ژ یێن بەری خۆ جوانتر و باشتر پاقژتر برێڤە ببەن ،گەلەک جارا ماموستا یێ تۆندە دگەل قوتابی لێ نە ژکەربە بەلکو دل پێڤەبینە داکو بخۆ ببیتە تشتەک ئەول جار مافای بگەھینتە خۆ و پاشی خێزانا و جڤاک و مللەت و وەلاتێ خۆ ژی ،ڤێ سەرھاتیا ماموستا و قوتابی بخوینن.

ماموستای زلەھەک ل قوتابی دا و گوتێ بۆچی تە دەرسا خو نەنڤێسی یە ؟
قوتابی گوتێ ماموستا من باوەری پێ نینە ئەوا من خاندی !
ماموستای گوتێ بۆچی تە باوەری پێ نینە ؟
قوتابی گوتێ چونکی من ئەو شتێ تێدا ھاتی و نڤێسی من ب کریار نەدیتی یە ؟
قوتابی گوت پەرتووک دبێژیت
وەلاتێ من وەلاتەک دەولەمەندە ،وەلێ خانیێ مە ھێشتا خانیەکێ ئاخێ یە و ئەز پەرتووکێن خو
ژکۆمەلێن خێرخاز وەردگرم و ئەو ھاریکاریا من دکەن .
پەرتووک دبێژیت وەلاتێ من وەلاتێ گازو غازێ یە ،وەلێ مە غاز نینە خوارنێ لسەر بخو ئامادە بکەین حەتا نوکە ژی دایکا من خوارنێ لسەر کۆچک دارا چێدکەت و مە فرەکا گازێ ژی نینە .
پەرتووک دبێژیت وەلاتێ من وەلاتێ خێرو بێرایە ،وەلێ ھێشتا من چ خێرو بێرێن کرداری ژێ نەدیتینە بەلکو ئەو خێرو بێر بو بەریکێن ھندەکانە !

پەرتووک دبێژیت وەلاتێ من لاندکا شارستانیەتا و قارەمانایە ،لڤێرە پرسیارەک دسەرێ مندا دغولغولیت باشە پا بۆچی وەلاتێ من ھێشتا یێ ساڤایە و یێ دلاندکێ دا و وەلاتێن خەلکی دمەزنن و گەشێ دکەن و پێشڤەدچن ؟
ماموستا من نەڤێت ئەز درەوا لخو دگەل خو بکەم فێلا لخو بکەم ،ژبەر ھندێ من ئەرکێ خو نەنڤێسی یە ،
من باوەری ب وێ نینە ئەوا من دپەرتووکا دا خاندی
ھیڤیدارم ماموستا لمن ببوری بارێ وەلاتی یێ لسەر ملێ مە ھەژارو نەدارا و بەرھەمێ وی ژی دچیتە بەریکا چەند بەرژەوەند پەرست و ئنتیھازیا .

زوھێر کورەمارکی
وەگێران بدەستکاریڤە