✍️..محمد مراد ……
ئەنفال بو قرڪرنا ڪوردا،ڤەمراندنا شورەشا گولانێ بو،ژ لایێ رژێما بەعس ڤه،ڪو وەسا بەرنامەڪێ توڪمەن هاتبو دانان ل سەرانسەری ڪوردستانێ ب قوناغ قوناغ ڪو یەك ڪەس ئەوێن دبن دەستهەلاتا هێزێن پێشمەرگێ گولانێ دا ،قورتال نەبن……
و ل ناف هەمی سازییێن لەشڪەریا وی دەمی ڪر بو دەنگ، هەر گوندەڪێ یان ناحیەڪێ یان ڪومەلگەهەڪێ بسەر دا بگرن، هون ئازادن چلێ بڪەن وەلێ بڪەن،مروڤا بڪوژن جوداهییێ نەڪەن دناڤبەرا پیر و زەلام و گەنج و ئافرەت و زاروڪا دا، هەر هەما بڪوژن، هون د ئازادن ڪچێن گەنج بو خو ببەن و بڪەن جاری، مالێ وان حەلاله ببەن،سەروەت و سامانێ وان حەلاله، تەرش و ڪەوال حەلاله بڪوژن و بخون……
رژێما بەعس دگەل دار دەستێن وان و ئەوێن لایەنگێرییا بەعسیا دڪر هند پروپاڪندەیێن مەزن بو ئەنفالڪرنا ڪوردا دڪرن هەر تو دا بێژی داوەتا وان،هند حەزدڪرن هەر زوی بەعسی دەست ب ئەنفال و قرڪرنا ڪوردا بڪەن، دا سەر و سامانێ گوندنشین و دەڤەرێن ئازاد ڪری بوخو ببەن، سەخمەراتی قرڪرن و ژنافبرنا دەیان هزار گەنج و زەلام و زاروڪێن ڪورد، لێ ل ئەنفالا سێ ملیون ڪورد مراندن، ئەوێن ساخ ژی دبن دەستهەلاتا رژێمێ ڤەمراندن…..
مێرانی و زەلامینی دڪەسێ دا نەهێلا ،ڪورد ل باشور وەك ڪەرەڪێ پەزی لێ هاتن ڪەفتن بن دەستێ بەعسیا بێ شفان و بێ هەست،ئاگرێ شورەشێ ماوەڪێ ڪورت ڤەمری، لەشڪەرێ عێراقێ دگەل دار دەست و هەڤڪارێن بەعسیا دەست ب هێرشڪرنێ ڪرن، گوند گوند بسەردا گرتن، خانی و مزگەفت و قوتابخانه سوتن، ڪانیێت گوندا خراپڪرن و تەرش و ڪەوال ڪوشتن، دەست دان ب برینا داروبارێن رەزو و بیستانێت گوندا و سوتنا چیا و گەلی و نهالا دویڪێل دگەهشت ئەسمانا…..
ل هەمی دەڤەرێن ئازاد ڪری نە مروڤ و نه گیانەوەر و نەتەیرو تەوال هێلان،قرڪرن ژیان ل پارچا ڪوردستانا باشور دا ڪره دوزەخ ،چیچك ل ئەسمانا دفرین دویڪێل و ئاگر ژێ دچو، ڪوردستان ڪرە پارچەڪا عەردێ سوتی و رەش، ئەو خلاس بو ئەوێن سنورێ تورڪیا و ئیرانێ بەزاندین، ڪارەساتەڪا تراتیژی بو،نەك ڪوشتن بو، بەلڪو سەدان سالێن دی برینێت وێ سارێژ نابن،خێزان پرت و پەلات بون، ژهندەك خێزانا ڪەس نەما و ژهندەك خێزانا زاروڪەك یان پیرەك ما، و ژهندەك خێزانا تنێ زەلامەك ما،زەرو زیانێت ئەنفالا ل باشورێ ڪوردستانێ ناهێن هژمارتن ژ بلی قرڪرنا مروڤا، ترس و ڤەرێژو ڪارتێڪرنا وێ دناخێ مروڤێ ڪورد ده یان سالێن دی ناهێن ژبیرڪرن….
Comments are closed, but trackbacks and pingbacks are open.