محمد کمال رشید
گرتنا ماران ژ حالەتان بویە دیاردە و ب تایبەتی مارێن رەش، ئەڤ جورە مارە ژ مارێن ب هێز و ب لەزە و هەروەسا بێ ژەهرە و ددانێن ژەهرێ نینن،و زەرەر و زیانێ ب مروڤان ناگەهینیت و بەروڤاژی مفایەکێ باش یێ هەی ژ بەرکو ئەو جهێ مارێن رەش لێ بن ئەو جهە یێ ئارامە ژ هەبونا مارێن ژەهراوی چونکی مارێن رەش هەمو جورە مارێن دی دخوت، و هەروەسا ژلایێ گشتوکالی ژی ڤە ئەڤ مارە زور باشە هەبوناخو دناڤا بیستانان دا هەبیت، ژ بەرکو مشک و جورد و چەندین جورێن دی یێن حەشەرەتا د خوت و یا ژ هەمیێ گرنگتر ئەوە ئەڤ مارە مارێن ژەهراوی دخوت و ئەو جهێ ئەڤ مارە لێ بیت ئەو جهە یێ ئارامە ژ هەبونێ مارێن مەترسیدار و ژەهراوی.
دیاردا گرتنا ماران ب شێوەیەکێ هوڤانە لدەف هندەک کەسان بویە کارێ روژانە و کومێن ماران ل مالدا زیندان کرینە ژبو مەرەمێن خو بکاردئینن وەک دروستکرنا هندەک دەرمانان و هەروەسا ژبو راکێشانا کەنالێن میدیای و خودەرئێخستن ل سوشیال میدیایێ دا.
ژ هەژی گوتنێ یە گرتنا ماران و زیندان کرنا وان د مال دا ئەڤە دبیتە دەست درێژیکرن ل سەر ئازادیا وی گیانەوەری و هەروەسا دبیتە مەترسی لسەر نەمانا وان و دیسان دبیتە ئەگەرێ زێدەبونا مارێن ب مەترسی و ژ ژەهراوی ، لەورا داخواز ژ حکومەتا هەرێما کوردستانێ دکەین سنورەک بو ڤان جورە کەسان بهێتە دانان و ئێدی ئەڤ مارە بهێنە ئازادکرن و ب زڤرنە دناڤا سروشتێ کوردستانێ دا.
Comments are closed, but trackbacks and pingbacks are open.