………….
ئه‌ڤ هه‌ولێن به‌رامبه‌ر پوستێ پارێزگارێ خوه‌جهێ که‌رکوکێ هاتیه ها‌تینه هاڤێتن گشتی بابه‌ت لسهر ئه‌ساسێ پرسه‌کا سیاسی هاتیه تێکڤه‌دان نه‌ك دیموکراسی و یاسای هه‌مان ده‌م ئه‌ڤ هه‌وله دنافبه‌را جه‌ند لایه‌نه‌کێن سیاسی دا بویه کۆ بشێوه‌کی هه‌ره‌مه‌کی ئه‌ڤ پروسێسه جێبه‌جێکریه ٫ و ئه‌ڤ سیسته‌مه پێچه‌وانه‌ی ده‌ستورێ عێراقێ دهێته هژمارتن ژبه‌رکو ئهو ده‌ستورێ ژ لایێ دادگه‌ها فیدرال و ئه‌نجومه‌نێ دادگه‌ها فیدرالی ل رۆژا ( ١٥ / ١٠ / ٢٠٠٥ ) هاتیه دیراسه‌ت کرن و دانایه به‌رده‌م پروسه‌یا ده‌نگدانێ ب رێژه‌یا ( ۸۵ سه‌دێ ) هه‌ولاتیا ده‌نگ ب ئه‌فی ده‌ستوری دایه و مافێ هه‌می پێکهاتا تێدا هاتیه زامن کرن بێ جوداهی و هه‌مان ده‌م ده‌ستورێ فیدرال لسهر ئه‌ساسه‌کێ ئه‌کادیمی یێ گرنگ هاتیه دانان و لسهر به‌رێ بنیاتێ فره‌لایه‌نی هاتیه ئێکلاکرن لژێر چه‌تره‌کێ بنجینه‌ی هاتیه ئافاکرن ئه‌وژی ( سازان و هاوبه‌شی و هاوسه‌نگی ) بویه .
ئهو کومبونا هوتێل ره‌شید ل باژێرێ به‌غدا هاتیه ب رێڤه‌برن کومبون ب نه‌یاسای دهێته قه‌لم دان دژی ئه‌تیکێتێن پرێنسێپێن دیموکراسی و سیاسی یێن نیف‌ده‌وله‌تی بویه و رێکه‌فتن ژێربه‌ژێر هاته ئه‌نجام دان دنافبه‌را ( ئیکه‌تی نشتیمانی کوردستان و جه‌ند لایه‌نه‌کێن عه‌ره‌بی )دا و ئێکلاکرنا پوستێ پارێزگاری و ئیدرایی یێن حکومی دنافبه‌را ئه‌فان لایه‌نێن سیاسی پێشێلکاری ل بڕگه‌یا دووێ ژ ماده‌یا ۱۳ یا ئه‌نجومه‌نا پارێزگه‌ها دا کریه ئه‌وا دناف ده‌ستوری دا هاتیه ئیزافه‌کرن .
ئه‌ڤ لێکتێگه‌هشتنا هاتیه‌کرن پێگه‌هێ کوردان ب لاوازی هێلایه و هه‌ڤشێوه‌ی و درێژه‌پێده‌رێ هه‌مان سیاسهتا کۆ ب نافێ ١٦ أوکتوبه‌ر هاتیه وجودێ دا و به‌رده‌وامی بده‌نه ئه‌فی شێوازێ سیاسهتا خۆ ئه‌وا بویه ئه‌گه‌رێ هندێ به‌رده‌وام کار بهێته کرن لسهر په‌یره‌وکرنا سیاسهتا تعریبکرن و شوڤێنی و ئیمپرالیزمی کۆ به‌رامبه‌ر کوردان بکاربینین بیته ئه‌گه‌رێ تالانکرن و نه‌هێلانا کوردان ل پارێزگه‌ها که‌رکوکێ و ناوچێن کوردنشین تێدا دژین و ده‌رڤه‌ی ئیداره‌یا هه‌رێما کوردستانێ ئانکۆ سنورێ ماددێ ۱٤٠ .
هه‌مان ده‌م پروسه‌یا سیاسهتا ئێکه‌تی و لایه‌نێن عه‌ره‌ب ئه‌وێن به‌شداری ل کومبونا نه‌یاسای بوین ل رۆژا ( ۱۰ ئاب ) ل هوتێل ره‌شید پوستێن پارێزگه‌ها خوه‌جهی که‌رکوکێ و کارگێریا پوستێن پارێزگه‌هان ب شێوه‌کێ نه ته‌وافقی دابه‌ش کریه و ب هیچ شێوه‌کێ دناف ئه‌ڤێ رێکه‌فتنێ دا بنه‌مایێن رێکه‌فتنا دیار ناکه‌تن و ب هیچ شێوه‌کێ ئه‌ڤ کومبونه ناجیته ناجیته لژێر بارێ رێکه‌فتنه‌کا وه‌سا کۆ چارچوڤێ دیار کرنا پارێزگاره‌کێ یاسای و دڤێت وه‌سا بده‌ینه دیار کرن ئه‌گه‌ر ئێکه‌تی هزر بکه‌ت رێکه‌فتنه‌کا ب ئه‌فی شێوه‌ی دێ برینێن کوردان ل که‌رکوکێ چاره‌سه‌ر که‌تن به‌لکۆ پێچه‌وانه دێ برینێن کوردان پتر کویر که‌تن .
راسته پارێزگارێ نوی ژ بۆ که‌رکوکێ هاتیه دیار کرن به‌س دڤێت وه‌سا بده‌ینه دیارکرن پارێزگار یێ بێ ده‌ستهه‌لاته و ب هیچ شێوه‌کێ ده‌ستهه‌لاته‌کا دروست دناف ده‌ستێن وی دا نه‌ماینه و هه‌وشێوه‌ی ١٦ أوکتوبه‌رێ هه‌ردوو پێکهاتێن عه‌ره‌ب و تورکمان ل که‌رکوکێ ده‌ستهه‌لاتدارن جونکی ئێکه‌تی نشتیمانی کوردستان خه‌له‌ت سیاسه‌تێ دگه‌هیت و رێکه‌فتن ب ئه‌فی شێوه‌ی ناهێنه جێبه‌جێکرن کۆ پوستێ پارێزگاری به‌رامبه‌ری ٤٠ پوستێن ئیداری و حکومی و ته‌نها پوستێ پارێزکه‌ها که‌رکوکێ ژ بۆ ساله‌ك و چوار هه‌یڤایه دناف ده‌ستێ کوردان دا بیتن .
ئه‌ڤ رێکه‌فتنا دێ بیته ئه‌گه‌رێ هندێ جاره‌کا دیکه سیاسهتا کوردی و ئالایێ پیروز و پێشمه‌رگه و ئاسایش جاره‌کا دیکه نه ڤه‌گێرنه که‌رکوکێ و ناوچێن کوردنشین و یاسا ماددێ ( ١٤٠ ) ژ ده‌ستورێ عێراقێ بهێته پێشێلکرن و لاواز کرن و زوربه‌یا لایه‌نێن سیاسی ل عێراقێ کار دکه‌ن کو ماددێ ۱٤٠ فه‌رمی بهێته لاواز کرن و ب هه‌می شێوه‌یان بهێته فه‌راموش کرن .
ئهو ئه‌زموونا نوکه که‌رکوک و ناوچێن ماددێ ۱٤٠ که‌فتیه تێدا هه‌می به‌رهه‌مێ خراب بکارئینانا سیاسهتا ئێکه‌تی نشتیمانی کوردستانه و گوهداری نه‌کرن ب گوتنێن سه‌روك بارزانی جونکی ل هه‌لبژارتنێن ئه‌نجومه‌نێن پارێزگه‌هێن که‌رکوکێ سه‌روك بارزانی چه‌خت لسهر خاله‌کا گرنگ کریه ٫ ئه‌وژی داخاز ژ لایه‌نێن سیاسی کوردی کر بوو هه‌می لایه‌نێن سیاسی ب ئێك لیست وه‌ك هاوپه‌یمان به‌شداری هه‌لبژارتنێن پارێزگه‌هێن عێراقێ ببن تایبه‌ت پارێزگه‌ها که‌رکوکێ و سنورێ ده‌رڤه ئیداره‌یا هه‌رێما کوردستانێ به‌س مخابن ژبه‌ر سیاسهتا هنده‌ك لایه‌نێن سیاسی گوهداریا وه‌لاتێن ئه‌قلمیی و نیف‌ده‌وله‌تی و خراب بکارئینانا سیاسهتا وان ئه‌ڤرۆکه ئه‌م ب چاڤ دبینین کۆ جاره‌کا دیکه کورد بونه قوربانێ سیاسهتا فاشل یاا وان لایه‌نێن سیاسی .
دڤێت ئه‌م چه‌خت لسهر ئه‌وێ سیاسهتا حیکمانه و پێشکه‌فتی خوازا یا پارتی دیموکراتی کوردستان به‌رامبه‌ر پارێزگه‌ها که‌رکوکێ و سنورێ ده‌رڤه‌ی ئیداره‌یا هه‌رێما کوردستانێ په‌یره‌و دکه‌ت کۆ لسهر مه‌بده‌ێ ئه‌کادیمی و زانستی سیاسهتا خو بکاردئینیت هه‌ر ژ سه‌رده‌مێ ژ ناڤچونا رژێما گۆر به گۆر تاکۆ نها قوناغ بو قوناغ سه‌رکه‌فتن تومار کرینه و سه‌رده‌مێ ئه‌نجامدانا ریفراندومی و دیارکرنا ده‌نگێ به‌رز یێ ئیراده‌یا گه‌لێ کورد کۆ هه‌تا نوکه ژی پارتی و سه‌روك بارزانی به‌رده‌وامی دایه لسهر سیسته‌مێ سیاسهتا حیکمانه و پێشکه‌فتی خواز ٫ سیسته‌مه‌کێ دبلوماسی به‌رامبه‌ر پارێزگه‌ها که‌رکوکێ بکاربینن و ججارا سه‌روک بارزانی داگێران لسهر کوردستان بوونا که‌رکوکێ نه‌کریه به‌لکۆ ئه‌ڤ لایه‌نێن سیاسی نها بوینه رێگر به‌رده‌م ئه‌وێ سیاسهتا پارتی ژ بۆ پارێزگه‌ها که‌رکوکێ په‌یره‌و دکه‌ت جونکی زڤرینا پارتی ئانکۆ زڤرینا ئیراده‌یا ملله‌تێ کورد و ئالایێ پیروز و پێشمه‌رگه‌یێن قه‌هره‌مان ئهو هێزا بویه ئه‌گه‌ر هندێ پێگه‌هێ و ئه‌ڤسانه‌یا مه‌زنترین گروپێ تیرورستی وه‌ك داعش ل ناوچێ دا ژناڤربی و نوکه ئه‌ڤ سه‌رکه‌فتنا پێشمه‌رگه تومارکری بویه هێمایێ هێزه‌کا ستراتیژی و ئه‌منی لسه‌‌رتاسه‌ری رۆژهه‌لاتا نافه‌راست و وه‌لاتێن نیف‌ده‌وله‌تی زلهێز به‌لکۆ ئه‌ڤ سه‌رکه‌فتنه ته‌نها ل رویێ سه‌‌ربازی ڤه نینه به‌لکۆ ل رویێ به‌رگری ل مافێن پێکهاتان و پاراستنا هه‌ولاتیا و به‌رگری ل پروسێسا سیاسهتا هه‌رێمێ ب شێوه‌کێ سه‌قامگیر و دبلوماسی .
عومه‌ر توفی
Comments are closed, but trackbacks and pingbacks are open.