زێیێ بادینان; شیراز چارپووتی
سوزان کچەکا باژێرێ زاخۆییە،
ژبەرکو کارێ وێنەگرییێ ل دەف من تایبەتی و تێر ڕامانییەکا دییە بۆ ژیانێ، کو دل دەروونێن من ب گرتن و گۆتنا وان هزر و دیمەنێن د ناڤ مێشکێ من دا هەین پتر بشێم پێ ب گەهینم.
هەر ژ دەستپێکا هاتنا من بۆ ناڤ ئەڤی کاری مالباتا من پشتەڤان بووینە دگەل وێنەگرێن زاخۆ ب گشتی پترییا وان پشتەڤانییا خۆ دیارکرییە و کێم خەم نەبووینە ژ بۆ پشتەڤانییێ.
سوپاس ژ بۆ خودێ مالباتا من هەر ژ دەستپێکێ هاریکاربووینە و هەتا نوکە ژی بەردەوام پشتەڤانن و بەردەوام ڕێکا من پتر خۆش دکەن ل سەر کارێ من.
من بەژداری د گەلەک پێشانگەهـ و بەریکانەیان دا کرییە، هەروەسان من چەندین باوەرنامەیێن جۆدا جۆدا ل سەر پشکدارییێن خۆ وەرگرتینە. لێ یا ژ هەمییان گرنگتر ل دەف من پێشانگەها وێنەیێن من ب خۆ بوویە، کو ب ٢٠ وێنەیان ب ڕێکا گرۆپێ “ خوەرست “ ل ژێر چاڤدێرییا بەرێز ( مشیر محەمەد بەشیر ) هەرێمدارێ قەزا ناڤەندییا زاخۆ هاتبوو دانان.
مەرەم ژ کاری هەردوو ئاراستەیان ڤەدگریت، ئاراستەیێ خۆشی وەرگرتن ژ کارێ خۆ و خەزا من یا زێدە ل سەر ئەڤی کاری و پیشاندانا دویتن و هزرێن خۆ یێن دویتنا ژیانێ ب گشتی.
هەروەسان ژ بۆ داهاتەکێ ڕۆژانە کو ب شێم ژیارا خۆ یا ڕۆژانە پێ ب ڕێڤەببەم.
وێنەگرتن ل دەف من
پەیام گەهاندنا کەسێن بێدەنگە، گۆتنا چیرۆکێن نەگۆتییە. نێشاندانا ژیانێ ب چاڤەکێ دییە..
ب کورتی ڕامان وەرگرتنە ژ بۆ بێ ڕامانییێن ژیانێ.
Comments are closed, but trackbacks and pingbacks are open.