دیدار،دلۆڤان ئاکرەیی:

بۆ مەبەستا پێکهینانا کابینەیا هاتی یا حکومەتا هەرێما کوردستانێ پارتی دیموکراتی کوردستان لێژنەیەکا تایبەتمەند بۆ گوتوبێژکرنێ ل گەل لایەنن سیاسی ب سەروکایەتییا هوشیار زێباری ئەندامێ دەستەیا مەکتەبا سیاسییا پارتی پێکهینایە و دەست ب سەرەدانن خۆ بۆ جەم پارت و لایەنن سیاسیین هەرێمێ کریە.

دیدار، دلۆڤان ئاکرەیی:
ب مەبەستا گەهاندنا پەیام و گوهداریکرنا داخازیین وان ئالیان و گوفتوگوکرن ل سەر مێزا دانوستاندنان بۆ چەوانیا دابەشکرنا پوستێن حکومەتێ ل سەر سەرکەڤتی و بەژدابووین حەزا بەژداربوون د حکومەتێدا هەی

ئەشواق جاف ئەنداما کومیتەیا ناڤەندییا پارتی و هاريکارا بەرپرسێ مەکتەبا رێکخستنا پارێزگەها سلێمانی و هەلەبجە و راپەرین یا پارتی دیموکراتا کوردستانێ بۆ روژنامەیا ئەڤرو لدور پەیاما پارتی بۆ گوتبێژکرنێ ل گەل لاینن سیاسی راگەهاند پارتی د کومبوونن خۆ ل گەل پارتێن سیاسی دووپاتییێ ل ئێک قەوارەیا هەرێمێ و ئێک پەرلەمان و ئێک حکومەت و ئێک هێزا پێشمەرگە و پاراستنا ماف و ئازادیا خەلکێ کوردستانێ و رێکدان و رێگرینەکرن ل خزمەتکرنا تاک تاکێ خەلکێ کوردستانێ دکەت ژبەرکو حکومەتێ حەزا گەهاندنا ئارامی و ئاڤەدانییێ هەیە بۆ وان دەڤەران ین کۆ گاڤ و خزمەت نەگەهشتییێ ژبەر رێگریکرنێ و دەرفەت نەدان ب حکومەتێ

جاف لدور هەبوونا ئوپوزسیونێ بۆ ئەڤرو راگەهاند کۆ هەبوونا ئوپوزسیونەکا ئاڤاکار گرنگە بۆ راستڤەکرنا هێلێن چەپ و شاشییان نەک ل حکومەتێ و پایتەختی حکومەت بن و ل دەڤەرێن دی مینا ئوپوزسیون سەرەدەریێ و کار بکەن و گوت داخازیین پارتی داخازیین خەلکێ کوردستانێنە و ب جێبجێکرنا ڤان داخازییان دێبیتە ئەگەرێ گەهشتنا ئارامی و ئاڤەدانی و خزمەتکرنا تاک تاکێ ولاتیین کوردستانێ

ئەنداما کومیتەیا ناڤین یا پارتی لدور پێکهینانا حکومەتێ بۆ ئەڤرو ئاشکرا کر کۆ سیاسەت تەکنیکا ممکنە و د سیاسەتێدا چێ تشتەک مەحال و رێگر نینە و ژڤانێ پێکهینانا حکومەتێ ژی دێمینیتە سەر ئسپونسا لایەنن سیاسی و ئەو گوتوبێژا دهێتە کرن دناڤبەرا ئالیین سیاسی ین کۆ لسەر مێزا کومبوونێ جڤیاینە دیار ژی کر د گوتوبێژاندا بزاڤ تێتە کرن کۆ د گەنگەشەیا بابەتاندا ئاستێ دەرفەت و دەلیڤەیان بلند ببن و دەستکەڤتێن زێدەتر ب دەست ڤە بهینن

جاف لدور داخازیین جودا و ین دەرڤەی دانوستاندنن پێکهینانا حکومەتێ ین ئالیین سیاسی خویا کر

د ڤێ کەیسێدا نابیتن داخازیین دەرڤە ژپێکهینانا حکومەتێ بهێنە کرن و دکومبوناندا دێ گوهداری و بوچوون و داخازیین هەر ئالیەکی هێتە وەرگرتن و گوت هەر داخازیەکا ئالیین سیاسی هەی پێتڤییە ل سەر مێزا گوتوبێژان بهێتە ئازراندن نەک ب رێکا داخویانیەکا روژنامەڤانی ل تورێن گەهاندنێ و ئالاڤێن میدیاێی

جاف لدور هەبوونا ڤیتویێ ژلایێ پارتیڤە ل سەر لایەنن سیاسی بو ئەڤرو دیارکر کۆ بۆ پاراستنا بەرژەوەندیین بلند و نەتەوەی و نیشتیمانی وقەوارەیا دەستورییا هەرێما کوردستانێ مە چێ ڤیتویەک ل سەر چێ ئالی و کەسان نینە و ئارمانجا مە ب دەستخستنا ماڤێن خەلکێ کوردستانێ و پاراستنا هەرێما کوردستانێ یە د پسیارەکا ئەڤرودا لدور پوست و کاندیدێ سەروکێ حکومەتێ ئەشواق جاف گوت کۆ پوستێ سەروکێ حکومەتێ مافێ راستەقینەیێ پارتییە و کاندیدێ پارتی ژی کاک مسرور بارزانییە کۆ د کابینەیا نەهێدا کارێن زور باش و گرنگ ئەنجامداینە لەوما گرنگە بەردەوام بیتن بۆ تەمامکرنا وان کار و گاڤان کۆ هەمی د خزمەتا خەلکێ کوردستانێ و پاراستنا قەوارەیا هەرێما کوردستانێ بوون

ئەنداما کومیتەیا ناڤەندییا پارتی لدور پشکێن پارتێن سیاسی ل حکومەتێ بۆ ئەڤرو ئاشکرا کر کۆ دێ سەرەدانا هەمی ئالیین سیاسی هێتەکرن ژلایێ پارتیڤە و گوت کۆ دێ لدیڤ مافێن وان سەرەدەری ل گەل ئالیین سیاسی هێتە کرن کۆ ئەڤ جورێ سەرەدەریێ ل دژی چێ لایەنن سیاسی و خەلکێ کوردستانێ نینە و ئەڤ داخازی و سەرەدەری د یاسایینە و د بەرژەوەندیا خەلکێ کوردستانێنە