ناجح بێجانی:
چاڤەریێبوون
ل سپێدەهیەکا زووی باپێرێ من ژخەوەکا شرین ڤە جنقیت ، ئەوێ کو دعەشقا دوکێلێ قەلوونا خۆدا عاشق بووی ، داپیرا من ژی ئەوا دعەشقا مەشکا خوەدا عاشق بووی هەمی سپێدەهیەکێ لاوک وحەیرانا ڤەگێڕت و کراسێ خۆ یێ ب خەما وەرپێچیت و فڕیێبدەت ، گڕنژینا لسەر لێڤێن وان ب بن بابەلیسەکەک وگری وشینی وترس دناڤدا بهێنە خەندقاندن ، بەری چیچک ژ هێلینا ڤالە ب بن و تیرۆژکێن رۆژێ ل هنداڤ کۆلکێ وان ب بن مێهڤان ،بەری شڤان ل رەخێ گۆندی تەرش وکەوالا ب چەرینت ،
“هێشتا مەلا د سوجدێ دامایی نەبووی سحار، زارۆیێن ساڤا ژی دهمبێزیێن دەیکێن خۆدا ب گڕنژین و هاویش ب بن“.
گڕنژینا لسەر لیڤێن وان ببت ڕاستی پست پستا وان دگوهێن من دا دەنگ ڤە بدەت و بلند بفڕن بەرەف کۆچکێن داگیرکەران ، ئەز ژی ژخەوەکا گران هشیار ببم نە خەون بت ، ببت ڕاستی و لەشێ من ژی ب تەڤدا ژوان تایێن سارو گەرم بهێنە گوهۆڕین ، خۆها ئەنیا چەندین سالا دێ ڤەمالم ، گازی وان کەم هوون ب خۆدێ کەن لەزێ بکن زویکا وەرن ل جڤاتا وان کۆمڤەببن ، ب هەڤڕا پەیڤا دەیکێ لێ ڤەگێرن ، بکن هۆزان و لاڤێژ بەلاڤ بکن ،دلێ دەیکا رەبەن و ژار گەشتر بکن ، گرنژینا لسەر لێڤێن وێ بکن هیڤی وئۆمێد یێن ئەوێ رۆژێ زارۆیێن وان ل پەیڤێن جوان خوەدی دەرکەڤین ، ژیانەکا سادە و نۆرمال وەکو زارۆیێن هەمی جیهانێ ب ئازادی و بەختەوەری ب ژین
Comments are closed, but trackbacks and pingbacks are open.