نڤێسەر دناڤبەرا شەرمێ و باوەریێ دا؟

ناجح بێجانی

پەیڤا شەرم گەلەک جاران لسەر مرۆڤی ب گرانی ڕاوستیت هەر چەندە یا بەربەلاڤە دناڤ دابونەریتێن مەو گەلیێن جیهانێ ژی دا ، وەکو ئایین و نەتەوە ژی بێ بەهر نینن ژێ، ئەڤ چەندە ژی ڤەدگەریتن بۆ هەرکارەکێ مرۆڤ بکت ژێ پشت ڕاست و نەبتن وباوەری ب خۆ نەبت ،

ڤێجا دێ هزرل هندێ کەتەڤە ، کو ب تنێ شەرم یان خۆ دوورئێخستن دێ ژێ رزگار بت، لێ هەمی جاران ئەڤە یا ڕاست نینە، من ئەڤ کارە نەکر ، چونکو شەرم بوو، یانژی هەگەر سەرنەکەفتم ، دێ تووشی نە ئارامیەکێ بم ,مێشکێ من دێ ئالۆز بت، مەبەستا من پتر گڕێدایی تەخا نڤێسەرانە ب هەمی جۆریێن خۆڤە, ئەوێین هزریێن باش هەین , دەستێ نڤیسینێ هەیی ، لێ شەرم دکن بنڤیسین یان هزر کن سەرناکەڤن ، وەکو میناک باشترین دوو نموونێن سەرکەفتنێ دێ بەرچاڤکم : هەلبستڤانەکێ دهۆکێ یێ کو ب ناڤودەنگە د بەرنامەکێ تەلەفزیۆنێ دا ، هۆسا کەرمکر گۆت: لسالێن هەشتیان من هەلبەستەک بۆ ڕۆژنامەکێ فڕێکر ، هینگێ ل بەغدا چاب دبوو، پشتی کو نەهاتیە بەلاڤ کرن لسەر هاتبوو نڤیسین ، هەلبەست نڤیسین شۆلێ تە نینە ، بۆ خۆ پسیارا شۆلەکێ دیتر بکە دەستی ژێ بەردە ، حەزو ڤیانا وی بۆ هەلبەست ونڤیسینێ گەهاندە وێ ئۆمێدی شەرم نەبوو ڕێگڕ دەستی ژێ بەردەت، چونکو هەلبەستا وی نەهاتیە بەلاڤ کرن ، لێ ب حەزو ڤیانێ گەهشتێ وێ ئامانجێ ، ئەز باوەردکم ئێکە ژ باشترین هەلبەستڤانێ دهۆکێ یە ، دیسان نڤێسەرەکی هۆسا نڤیسا بوو، من هزر دکر ئەز دشێم مێشکێ من تیڕا هندێ دکر گۆتارەکێ بنڤێسم و بهێتە بەلاڤ کرن ، لێ من شەرم دکر ، بەلکو دەر هەق نەئێم ، لێ من باوەری ب خۆ نەدهات ، هەتا کو ڕۆژەکێ من ب دەرفەت دیت تشتەکی بنڤیسیم لێ ب ناڤێ (….)ژبەر کو هەگەر بەلاڤ نەبوو ، داکو کەس نزانت ئەزم ، لێ پشتی بەلاڤ بووی هەڤالەکێ نڤێسەر پسیارکر، کو من گۆتارەک بناڤێ (….) فلان کەسی ل گۆڤارەکا دهۆکێ یا خواندی ، لێ بۆ من مەراق بۆ بزانم کیە؟ تو وی کەسی دناسی ئەز ب خۆ بووم ، پاشی بۆمن باوەری چێبوو ، بەلێ دشێم بەردەوامیێ پێبدەم نوکە نڤێسەرەکێ سەرکەفتی یە و ژ بلی نڤێسەریێ وەڕگێرانێ ژ زمانێن عەرەبی وئنگلیزی بۆ سەر زمانی کوردی ، ونڤیسەرەکێ هەر باشە ل دهۆکێ ، مەچەند نڤێسەر هەنە کو ئەڤرۆ دشێن بنڤیسین ، لێ هوکار شەرم کرنە ، یانژی هەگەر بابەتەک بۆ ڕۆژنامەکێ یان گۆڤارەکێ فڕێکەت نەهێتە بەلاڤ کرن ، دێ دەستێ ژێ بەردەت و دبت شەرم بکت جارەکا دیتر بنڤیسیت ، وێرەکیێ نادتە خۆ نیشانا نڤێسەرەکی بدەت، بەری فڕێکرنێ بۆ دەزگەهەکێ راگەیاندنێ بهێتە بەلاڤ کرن، چێدبیت بابەتێ وی نە گونجیت دگەل سیاسەتێ وێ ڕۆژنامێ یان گۆڤارێ ، لێ بابەتەک ب هێزە نە ژبەر لاوازییا گۆتارێ بەلاڤ نەبوویە ، ئەڤجا دێ هزرکرت بابەتێ وی بەلاڤ نەبوونە دێ هەست ب کێماسیێ کەت ب شەرم ل قەلەم ددەت ، لڤێرێ ئاریشا مەزن ئەڤەیە کەسێ شاشییا نەکت نەشێتن بگەهت ڕاستیێ ، مخابن پەیڤا شەرم مێشکێ مە هەمیان یێ داگیرکری ئەز فلان تشتی نانڤیسم شەرمە ، هینگێ نڤێسەر دێ تشتێن جوان ژ دەست دەت وەخت نا ڤەگرت ، ئەز دبێژم هەکە تە حەزا نڤێسینێ هەیە، هەر نوکە دەست پێ بکە بەری سوبە دەرفەتا ژ دەست نەدە هزر نەکە بەلاڤ بت یانژی بەلاڤ نەبتن یا گرنگ بنڤیسی .