سەرۆک بارزانی، دڤێت حکومەتا هەرێما کوردستانێ هەتا دوو هەیڤێن دی بهێتە پێکئینان
سەرۆک مەسعود بارزانی د دیدارا کەنالێ شەمس دا گۆت: “سەبارەت لایەنێن سەرکەڤتی یێن هەلبژارتنان، مە هەر ژ دەستپێکێ گۆت کو ڤیتۆیا مە ل سەر چ کەسان نینە، دا کو ل گۆر شایستەیا هەلبژارتنان پشکدارییێ د حکوومەتێ دا بکەن. ئەڤە بنگەهەکێ حەقە، ئەگەر نە هەڵبژارتن بۆ چنە؟ دگەل ڤێ ژی، د هندەک حالەتان دا، لبەر خاترا بەرژەوەندیا نەتەوەیی دشێین نەرمیێ نیشان بدەین. نوکە شاندەکێ پارتی بۆ گەنگەشە و دانوستاندنان دگەل لایەنان هاتیە راسپاردن. د دوماهی کۆمبوونا من دگەل شاندی دا، دیارکرن کو گاڤەکا باش دگەل ئێکەتییێ بڕینە. هیڤیدارم د زووترین دەم دا حکومەت بهێتە پێکئینان و هیڤیدارم هەمی حزب پشکدارییێ د حکومەتێ دا بکەن. کوردستانا مەزنە و هەر لایەکێ مافێ خۆ یێ هەی. بەری هەلبژارتنان هەمی لایەنان بەرهەڤی بۆ دەست بسەرداگرتنا دەستهەلاتێ و هەمی تشتی کربوو، نزانم کا ب نیەت بوون مافێ پەنابەریێ بدەنە پارتی یان نە؟”
هەروەسا تەکەز کر کو موستەحیلە و نابیت پێکئینانا حکومەتا نوو یا هەرێما کوردستانێ هەتا دەمێ هەلبژارتنێن عیراقێ وەک هندەک لایەن دبێژن بهێتە پاشئێخستن، لێ هندی گیرو ببیت دڤێت هەتا دوو هەیڤێن دی بهێتە چاڤەڕێ بهێتە کرن.
Comments are closed, but trackbacks and pingbacks are open.