مزگینیەک بۆ قوتابیان
زێ بادینان .
وەزیرێ پەروەردا حکومەتا ھەرێما کوردستانێ ڕاگەھاند ، کو پرۆگرامێ خواندنا وەرزێ ئێکێ و دووێ ھاتیە کێمکرن و ل دەمەک نێزیک دێ ھێتە راگەھاندن و تاقیکرن ژی دێ ھەر ب وی جۆری بن.
ئالان حەمە سەعید وەزیرێ پەروەردێ د پرێس کۆنفرانسەکی دا ل باژێڕێ سلێمانیێ گووت : دێ بزاڤێ کەین پشتی جەژنێ ب ڤەگەڕینە ناڤەندێن خواندنێ و پرۆگرامێ وەرزێ ئێکێ و دووێ ھاتیە کورت کرن و شارەزایێن پەروەردێ دێ بەرنامەکی دانن و ھویرکاتیێن دانن بۆ وان وانێن نەھاتینە خواندن.
وەزیرێ پەروەردێ گووت ژی : مە بەرنامە ھەیە بۆ قەرەبووکرنا خواندنێ ل گور وان پلانێن مە داناین و پشتی جەژنێ دێ ڤەگەڕین بۆ ناڤەندێن خواندنێ ، ئەگەر ڕەوشا ساخلەمیێ ڕێ بدەت بۆ ھەر ساڵەکێ ئەو وانێن ژ دەست چووین د کەڤانێ ستراتیژەکێ دا دێ ھێنە قەرەبووکرن.
Comments are closed, but trackbacks and pingbacks are open.