ئەمریکا پەیامەکا پشتەڤانیێ ئاراستەی پێشمەرگەی کر
دەزگەهێ مێدیایێ زێ بادینان .
کۆنسۆلخانەیا گشتی یا ئەمریکا ل هەولێرێ ئەڤرۆ سەرەخۆشی ل مالباتێن وان پێشمەرگەیان کر یێن د هێرشا داعشێ یا پردێ دا شەهید بووین و پشتەڤانیا خۆ ژی دیار کر.
کۆنسۆلخانەیا گشتی یا ئەمریکا ل هەولێرێ ئەڤرۆ ل سەر هژمارا خۆ تۆرا جڤاکی یا فەیسبووکی نڤیسیە، ئەمریکا سەرەخۆشیێ ل حکومەتا هەرێما کوردستان و مالباتێن وان پێشمەرگەیان دکەت یێن د هێرشا داعشێ دا ل پردێ شەهید بووین.
هەروەسا نڤیسیە، ویلایەتێن ئێکگرتی یێن ئەمریکا دێ پابەند بیت ب پشتەڤانیکرنا هێزێن پێشمەرگەیی و هێزێن ئەمنی یێن ئیراقی تاکو داعش ب تەمامی دهێتە ژناڤبرن.
بەری دو شەڤان تیرۆرستێن داعشێ ل میحوەرێ رۆژئاڤا کەرکووکێ ل نێزیک گوندێ قایەباشی ل سنۆرێ پردێ ھێرش کریە سەر ھێزێن پێشمەرگەی، هێرشا وان ژ ئالیێ پێشمەرگەیی ڤە هاتیە تێکشکاندن و د وێ ھێرشێ دا سێ پێشمەرگە شەھید بووینە.
Comments are closed, but trackbacks and pingbacks are open.