نێچیرڤان بارزانی ، نێزیک سەرەدانا ئیماراتێ کەت
دەزگەهێ مێدیایێ زێ بادینان
داخوازنامەیەکا فەرمی ژ ئالیێ تاچپارێزێ ئەبۆزەبی ڤە بۆ سەرۆکێ هەرێما کوردستانێ هات و ل نێزیک دێ سەرەدانا ئیماراتێ کەت.
نێچیرڤان بارزانی، سەرۆکێ هەرێما کوردستانێ ئەڤرۆ پێشوازی ل ئه‌حمه‌د ئیبراهیم ئه‌لزاری، کۆنسۆلێ گشتیێ ئیماراتێ ل هەولێرێ کر و د کۆمبوونێ دا بەحس ل پەیوەندیێن گشتی یێن هەرێما کوردستانێ و ئیماراتێ، هەروەسا رەوشا ئیراقێ و هەلبژارتنێن پەرلەمانی هاتە کرن.
ل گۆرەی سەرۆکاتیا هەرێمێ، کۆنسۆلێ گشتیێ ئیماراتێ داخوازنامەیەکا فەرمی یا شێخ محه‌مه‌د بن زاید ئال نه‌هيان، تاچپارێزێ ئەبۆزەبی گەهاندە نێچیرڤان بارزانی کو سەرەدانا ئیماراتێ بکەت.
سەرۆکێ هەرێمێ دوپات کریە کو د دەمەکێ نێزیک دا دێ سەرەدانا ئیماراتێ کەت و ل گەل بەرپرسێن وی وەلاتی پرسا پێشئێخستنا پەیوەندیێن ئابۆری، بازرگانی و سیاسی بەحس کەت.
Comments are closed, but trackbacks and pingbacks are open.