پشتی 27 سالێن هەڤژینیێ بێل گێتس و هەڤژینا خۆ ژێكجودابوون

2021-05-04 11:33 1 minut

د رۆنكرنەكا هەڤپشك دا، بێل گێتس ملیاردێرێ جیهانیێ دامەزرێنەرێ كۆمپانیا مایكرۆسۆفت و میلیندا هەڤژینا وی، راگەهاندن: پشتی هزركرن و كارەكێ زۆر ل سەر پەیوەندیێن خۆ، مە بڕیاردا دویماهییێ ب هەڤژینییا خۆ بینین.

د وێ رۆنكرنا هەڤپشك دا كو ل سەر هژمارا خۆ بەلاڤ كرینە، راگەهاندن: ل وێ باوەرێینە نەشێین زێدەتر پێكڤە بین و وەك هەڤژین پێكڤە بژین و پێش بكەڤین.

هەروەسا دیار كرن كو د ماوێ 27 سالێن بۆری دا كۆمپانییەك دامەزراندینە كو ل سەرانسەری جیهانێ كار دكەت، داكو شیانێن خەلكی پێش بێخن و ب ژیانەكا ساخلەم  و پڕ بەرهەم بژین، ئەم دێ پێكڤە درێژیێ ب ڤی ئەركێ خۆ دەین و دێ ل سەر كارێ خۆ بەردەوام بین ل ڤێ كۆمپانیێ.