پێتڤیە مروڤ د ژیانێدا، یێ بێ بەرنامە نەبیت

عبدالرحمان چاربۆتے

پێتڤیە مروڤ د ژیانێدا، یێ بێ بەرنامە نەبیت، هەروەسا ماموستایێ خو ژی بیت، هەتا ئەگەر چ بەرپرسیاریەتی ژی نەبن، د دامو دەزگەهێن حکومی و تایبەتی ژی دا، هەست ب بەرپرسیاریەتێ بکەت، ناڤ جڤاکێ دا خو بەرپرس بزانیت، باش و خرابیێ ژێک جودا بکەت،
بۆ نمونە مروڤ هەر شاشیەکێ ل کارو چاڵاکیێن ڕۆژانە د ژیانا خودا بکەت، د پەراڤا ژیانا خودا بنڤیسیت، خالەکا ڕەش دانێت، ئۆ هەروەسا بۆ هەر باشیەکێ ژی، کۆ مروڤ ئەنجام ددەت، خالە سپی دانێت، د پەراڤا ڕۆژانەیا ژیانا خودا:

دێ بۆ مروڤی ڕۆن بیت، کو مروڤ ناڤ جڤاکێ دا، چەند یێ ب مەفایە، یان یێ بێ مفایە،
گومان نینە کو هەر کەسەکێ عاقل، دزانیت کو باشی و خرابیان ژ ئێک جودا بکەت،
میناک: هەر کەسەکی دەبە ئاڤەک یان هەر گلێشەکێ دی فڕەدا سەر شەقامان و جادەیان، یان خودان تۆڕمبێل بیت، گڵێشی خارن ڤەخارنێن خو ژ تڕۆمبێلا خو، فڕە بدەنە سەر شەقاما، دناڤ باژێڕو گۆنداو سەر جادەیان، پێتڤیە خالەکا ڕەش ل لاپەڕا ژیانا خو زێدە بکەت!

هەر وەسا هەکە وەکو سەیرانچی، مروڤ بۆ ناڤ سروشتێ جوان و سەیرانگەها چوو، هەکە مروڤی دەۆرو بەرێن خو پاکژ کرن گلێش ڕاکر، ئەو جهـ پاکژ کرن، گلێشێ خو نەهێلا ناڤ سروشتی، خالەکا سپی د پەڕاڤا ژیانا خودا زێدە بکەن،
ئەڤە وەکێ منیاک یان نمونە بی، لێ هەکە مەزنتر بەحس بکەین، گەندەڵی و دزیێن هندەک کار بدەست و بەرپرسێن سەربازی و حکومی و حزبی ژ خەلکی کوردستانێ ڤەشارتی نینە، گۆمان نینە پێتڤیە ئەو ژی هەست ب بەرپرسیاریەتیێ بکەن، ل جهەکی ڕاوەستن و دەست ل کارێن خوێین نەباش بەردەن و پەراڤا ژیانا خو ڤەکەن، باشی و خرابیێن خو تێدا بنڤیسن، چونکی پێتڤیە ئەو ژی بزانن، داکو دین و دونیایێ ل دەست خو نەدەن، پێتڤیە هەست ب بەرپرسیاریەتێ بکەن، چونکی دوماهیا هەر تاوانەکێ سزایەکێ هەی، و کەس بێ سزا دان دەرباز نابیت، درەنگ یان زی،

هۆسا مروڤ ب خو دێ بیتە ماموستایێ خو، وی دەمی دێ پێشڤەچونا جڤاکا مە، دێ یا بەرچاڤ بیت، وەکی جڤاک هەوە گۆمان نەبیت، دێ بینە خودان جڤاکەک سەرکەفتی و ڕوشەنبیرو پێشکەفتی، لەوما پێتڤیە پەڕاڤا ژیانا خو ڤەکەین، ژ ئەڤڕۆ پێڤە باش و خرابین خو تێدا بڤیسین، کو هەر وەختێ بەرێ خو بدەینە لاپەرێن ژیانێ، کاروکریارێن باش و خرابێن خو تێدا ببینین،

داکو بزانین ب ئەرێنی یان نەرێنی، مە چ کار کرینە، بۆ خو بۆ ماڵاخو بۆ گۆندو باژێڕو وەڵاتێ خو، گۆمان نینە، ئەڤ چەندە یا ب زەحمەتە،
لێ ئەگەر ل ناڤ جڤاکێدا، چینەک ل چینێن جڤاکێ وەکی کەسێن نەتەوەیی و نیشتیمان دوست و سەربەخوخواز، دەست پێ بکەن، دێ پێشکەفتن چێ بن و شوڕەشاکا نۆیا پێشکەفتنا جڤاکێ دێ دەست پێ کەت.