نەجەف، بارەگاهێ نوری مالکی هاتە سووتن
زێ بادینان .
وەك نەڕازیبوون دژی تیرۆركرنا چالاكڤان ئیهاب وەزنی ل باژێڕێ كەربەلا، شڤێدی هژمارەكا خۆنیشاندەران هێرش كرنە سەر بارەگەهێ حزبا دەعوە ب سەرۆكاتییا نوری مالكی و ئاگربەردانە وی بارەگەهی.
ژێدەرەكێ ئاگەهدار راگەهاند: بارەگەهێ حزبا دەعوە دكەڤیتە نیڤا باژێڕێ نەجەف و شڤێدی ژ لایێ هژمارەكا خۆنیشاندەرێن تۆڕەڤە هاتییە سۆتن.
هەروەكی دهێتە زانین، بەری دوو رۆژان چالاكڤانێ مەدەنی ئیهاب وەزنی ل نێزیك مالا خۆ ل باژێڕێ كەربەلا ژ لایێ دوو چەكداران ڤە هاتبوو تیرۆر كرن.
تیرۆركرنا وەزنی ببوو ئەگەرێ وێ چەندێ خۆنیشاندان ل كەربەلا بهێنە دەست پێ كرن و شەڤا دی ژی پشكەكا كونسولخانەیا ئیرانێ ل كەربەلا هاتبوو سۆتن و تەهران ژی داخواز ژ عیراقێ كربوو بارەگەهێن شاندێن دیپلۆماسی یێن بیانی بپارێزیت.
Comments are closed, but trackbacks and pingbacks are open.