دهۆک، 29 کەس بوونە قوربانێ روودانان
زێ بادینان .
ئازاد تەها رێڤەبەرێ ڕاگەهاندنا هاتن و چوونا پارێزگەها دهۆکێ د کونفرانسەکا ڕۆژنامەڤانیدا ڕاگەهاند، بوویەرێن چێبووی ل دەستپێکا سالا نوی هه‌یا دویا مەها چار کو چار مەهـ دەربازبووینە 252 بوویەرێن هاتن و چوونێ پەیدابووینە و ب وێ سه‌ده‌مێ ژی 29 کەسان ژیانا خۆ ژدەستدانە و 282 کەس ب دژواری برینداربووینە.
هەروەسا ئامارێن ل مەها رەمەزانێ روویداین دانە دیارکرن، کو 47 بوویەرێن هاتن و چوونێ هاتینە تومارکرن هەشت کەسان ژیانا خۆ ژدەستدایە و 71 کەس برینداربووینە، دیارکر کو پتریا ڤان بوویەران ل رێک و بانێن دەرڤەی باژێری بووینە و هند ژ وان ل ناڤ سەنتەرێ باژێری بووینە.
به‌حسا وێیه‌كێ ژی كر، سەرپێچیێن كو ل مه‌ها ڕه‌مه‌زانێ هاتینە تۆمارکرن 62 هزار و 593 سەرپێچی بوون. گوت، بوویەرێن هاتن وچونێ ل پاریزگەها دهۆکێ هه‌ڤبه‌ركرن دگەل پار سال ژبەر پار قەدەغەیا هاتن و چوونێ بویە ب تەخمینا یاسایی ناهێتە پێشچاڤکرن .
و ب هەلکەفتا هاتنا جەژنا رەمەزانا پیرۆز مەرجێن ساخلەمی و هاتن و چوونێ دانە دیارکرن و ژ شوفێران خاست جەژنێ نە کەنە دەلیڤە بۆ ئەنجامدانا سەرپێچیێن یاسایی.
Comments are closed, but trackbacks and pingbacks are open.