هێــــژ دەست ب وەرگرتنا گەنمێ نەکریە
زێ بادینان
حسێن حەمە كەریم پەیڤدارێ بناڤێ وەزارەتا چاندن و ژێدەرێن ئاڤێ ڕاگەهاند، ب بڕاورد دگەل پارساڵ، بەرهەمێ ئەڤ ساڵە ژگەنمێ جوتیارێن هەرێما كوردستانێ ب ڕێژەیا 50% كێم كرییە، و ئەگەر ژی هشكەساڵی بوو.
حسێن حەمە كەریم، ئەو چەندە ژی ئاشكراكر، كو هەتا نوكە سایلۆیێن هەرێما كوردستانێ دەست ب وەرگرتنا گەنمێ جوتیاران نەكرییە، ژبەركو وەزارەتا چاندنا عیراقێ چەنداتییا وی گەنمێ پێدڤییە ژ هەرێما كوردستانێ وەربگریت دیار نەكرییە و هەرێما كوردستانێ ئاگەهدار نەكرییە لسەر وەرگرتنا چەنداتییا گەنمی.
پەیڤدارێ وەزارەتا چاندنێ خۆیاكر، دساڵا 2020 دا بەرهەمێ گەنمێ جوتیارێن هەرێمێ ملیونەك و 500 هزار تەن بوون، بۆ ئەڤ ساڵە نیڤا وێ چەنداتیێ ژی نەهاتییە بەرهەم.
Comments are closed, but trackbacks and pingbacks are open.