سەروەریا یاسایێ

سەروەریا یاسایێ

زەنون سلێڤانەی ـ زاخو
ھندی مە مێژویا مللەتان خواندی و بو مە ھاتیە ڤەگێران و مە بچاڤ دیتی، یاسا سەروەرە و ھەر كەسێ زێدەگاڤیان بكەت، دزو گەندەل بیت، یاسا لێپێچینێ دگەل دا دكەت و ئەو نەبیت ئەڤێ خوە ژ یاسایێ ڤەدزیت یان كو یاسا لدەف وان سەروەرە و مافێ ھاوتیبوونێ یێ پاراستیە و دیڤچوون ل بچوكترین تشت دھێتە كرن. ژ پێخەمەت ھەمی تشتەك باش پرێڤە بچن و كەس ژ دەرڤەی یاسایێ نەمینیت و رێ ل دز و گەندەل و مافیان بھێتە گرتنێ.
بەلێ ژ قەدەرا مە، ل جەم مەژی ل هەرێما کوردستانێ، د ماوەێ ڤان بیست و هەشت سالێن دەربازبوویێ دا بەروڤاژێ ڤێ چەندێ یە، ئانکو خەلك و هەڤوەلاتیین بێ ماف و بێ دەستهەلات، ژ کریارێن نەهنگێن دز و گەندەلکاران د ترسن، نە ژ یاسایێ.
لەورا ئەڤرو نەدادی و نە وەكھەڤی دھەمی جومگەیاندا دھێتە دیتن، ھاوڵاتی ھەست دكەت مافێن وی دھێنە خوارن و جوداھیەك دناڤبەرا وی و كەسەكێ دیدا ھەیە.
هەلبەت ئەو ژی ڤەدگەرت بۆ دەستهەلاتا کوردی و دڤێت ھەر چ زوویە یاسا رولێ خوە بدروستاھی بگێریت و یا سەروەر بیت و دەستھەڵاتا دادوەریێ یا سەربەخو بیت و داواكارێ گشتی ب رولێ خوە یێ دروست رابیت و كەس خوە ژ یاسایێ بلندتر نەبینیت، تاكە دەرباز بوونا مە ژی دڤێت ھەر ئەڤ چەندە بیت و خەلك ژ یاسایێ بترسن نەك دزو گەندەڵان.