سوپایێ ئیراقێ ئەڤرۆ راگەهاند؛ سوبه‌هى دێ خالێن هەماهەنگیێ یێن هەڤپشک د ناڤبەرا هێزێن پێشمەرگەیی و هێزێن فیدرال دا ل بن سەرپەرشتیا مستەفا کازمی، سەرۆکوەزیرێ ئیراقێ هێنه‌دانان.
هێزێن پێشمەرگەی و سوپایێ ئیراقێ ل سەر دانانا 4 خالێن هەماهەنگیێ یێن هەڤپشک ل کەرکووک، دیالە، مەخموور و مویسل رێککەفتینە و سوبەهی ئەفسەرێن پێشمەرگەی دێ چنە خالا هەڤپشک ل کەرکووکێ.
ئەفسەرێن پێشمەرگەیی پێشتر چووینە خالا هەڤپشک ل دیالە، بریارە د ڤێ حەفتیێ دا ئەفسەرێن پێشمەرگەیی ب چنە هەردو خالێن مویسل و مەخموور ژی.
یەحیا رەسوول، پەیڤدارێ هێزێن چەکدار یێن ئیراقێ ئەڤرۆ راگەهاند؛ ئەو خالێن هەڤپشک یێن هاتینە دانان دێ د بن سەرپەرشتیا سوپایێ ئیراقێ و فەرمانا سەرۆکوەزیرێ ئیراقێ بن و کارێ وان دێ هەماهەنگیا هەوالگیری بیت دەربارەی لڤینێن داعشێ ل دەڤەرێ.
دەربارەی ئۆپەراسیۆنێن دژی داعشێ ژی رەسوولى گۆت: ژ دەستپێکا ڤێ هەیڤێ و تا 21 هەمان هەیڤ زێدەتر ژ 20 چەکدارێن داعشێ د ئۆپەراسیۆنێن هەڤپشک دا هاتینە کوشتن و 963 پارچێن چەکی و 202 تی ئێن تیێن داعشێ کەفتیە دەستێ وان.
Comments are closed, but trackbacks and pingbacks are open.