شۆرەشا گوڵان پێشکەفتنخواز درێژەپێدەرا شورەشا ئەیلولا مەزن بوو
ساڵح محەمەد تەیرۆ
ئەم ھەمی دزانین کۆ شورەشا ئەیلولا مەزن ب رێبەریا پارتی دیموکراتی کوردستان وسەرکردایەتیا حەکیمانە یا بابێ روحیێ نەتەوا کورد بارزانیێ نەمربوو و درێژترین شورەشا بزاڤا ئازادیخوازا کوردستانێ بوو ، دڤێ شورەشێ دا چەندین دەسکەفتیێن مەزن بۆ مللەتی کورد ھاتنە تومارکرن کو ھەتا مللەتێ کورد مایە پێتڤی یە شانازیێ پێڤە بکەن . دوژمن وھێزین داگیرکەر ھزرەکا مەزن بۆ ڤێ شورەشێ دکر لەوما ھەردەم ھەول وبزاڤێن کوشندە ژلایێن دوژمناڤە دھاتنە کرن بۆ نەھێلان وبنبڕکرنا ئەڤێ شورەشێ وپیلان لدویڤ پیلانێ دادرێشتن بۆ بێ دەنگ کرنا ئەڤێ شورەشێ ، لێ ئیرادا مللەتێ کورد ب ھەمی تەخ وتوێژاڤە ل ھەمی پیلانێن وان مەزنتر بوو ورۆژ ب رۆژێ باوەرییا خەلکێ کوردستانێ بڤێ شورەشێ موکمتر ببوو ودربێن مەزن ژی ل دوژمنا دوەشاندن ، لەوما رژێما بەعسا گور بگور نەچار بوو ل وی سەردەمی ھەوارا خۆ بۆ ئیک ژمەزنترین دەولەتێن زلھێزێن وی سەردەمی ودەولەتا ئیرانی ببەت بۆ دارێشتنا پیلانەکێ ب بەرامبەر تەنازولکرن ژچەندین پارچێن ئاخا عیراقێ راوەستاندن وراگرتنا ھاروکاریێ بۆ شورەشا ئەیلولا مەزن وئەوبوو رێکەفتنا خیانەتکاریا جەزائیر ل رۆژا (٦-ئادارا-١٩٧٥)دنێڤبەرا شاندێ عیراقێ ب سەرکردایەتیا (سەدام حسین )جێگرێ سەروک کومارا عیراقا وی سەردەمی و( محەمەد رەزا شاە پەھلەوی )شایێ ئیرانێ ول پایتەختێ جەزائیر وب ئامادەبوونا (ھەوار بومیدیەن )سەروکێ جەزائیر یێ وی سەردەمی ھاتە مورکرن دنێڤبەرا عیراقێ وئیرانێ وب پالپشتیا ھێزێن زلھێز ، ل ئەنجامێن ئەوێ رێکەفتنا خیانەتکار شورەشا ئەیلولا مەزن تویشی مەزنترین ھەلنگفتنێ بوو و بۆ دەمەکێ کێم شورەش راوەستا و ب ھزاران خەلکێ دلسوز و شورەشگێرو وخودان شیان ئاوارەیی ئیرانی بوون وئەوێن کو ل عیراقێ ژی ماین تویشی گرتن وکوشتن وئەشکەنجە و ڤەگوھاستن بوون ، ب راستی بێ ئومێدیێ بالێ خۆ لسەرئاسمانێ کوردستانێ کێشابوو وب جارەکێ کوردستان رە شپوش ببوو ، لێ ھیچ دەمەکێ بێ ئومیدیێ پارتی و بارزانی نەگرتیە ورامانا بێ ئومیدیێ ژی نزانن چونکە ھەروەکی بارزانیێ نەمر کەرەم کری ((لسەرکەفتنا مەغرور نەبن و ل شکەستنا ژی بێ ئومێد نەبن ))لەوما ھەر زوی ب زوی ھزر دوێ چەندێ دا کر کو جارەکادی شورەش دەست پێ بکەتەڤە وئەوبێ ئومێدییا لجەم خەلکێ کوردستانێ دروست بوویی بکەتە ئومێدەکا گەشترومەزنترووێ بێ ئومێدیێ برەڤینیت لەوما ل رۆژا (٢٦-گولانێ – ١٩٧٦)شورەشا گولاناپێشکەفتنخواز ھاتەراگەھاندن و لدەستپێکێ لژێر ناڤێ سەرکردایەتیا کاتی ئاگرێ شورەشێ گەش بوو ، لێ بەرخودانا یا دەستپێکێ یا ئەڤێ شورەشێ جوداھیەک ھەبوو ل شورەشا ئەیلولا مەزن کو ئەوژی شورەش ب رەنگەکێ پارتیزانی دەست پێکر ,ھەلبەت خەلکێ کوردستانێ بگشتی ونەمازە دلسوزوکوردپەروەرو وەلاتپارێزوپارتی پەروەران زوی ب زوی پەیوەندی ب رێکخستنێن شورەشا گولانا نیشتیمانخوازکرن وب ھەمی رەنگەکێ بوونە پالپشت وھاندەرێن شورەشێ وکو ئەڤ شورەشە درێژەپێدانا شورەشا ئەیلولا مەزنە وبەرسڤەکا توند بوو بۆ دوژمنی چونکە دوژمن گەھشت بوو وێ قەناعەتێ کو ئێدی شورەشەک وکێشەیەک ل عیراقێ نابیت بناڤێ کورد ھەروەکی سەروکێ عیراقا وی سەردەمی ((احمد حسن البکر)) دپەیڤەکا خودا گۆتی :(قدانتھت القچیە الکوردیە فی العراق الی الابد…))ھەر ئەڤ شورەشە ویێن بزاڤا ئازادیخوازا کوردستانێ بوون کو بووینە ئەگەرا ھندێ جەماورێ کوردستانێ ل بەھارا ساڵا (١٩٩١)سەرھلدانێ بکەت وئاخا پیروزا کوردستانێ ل دوژمنا پاقژ بکەن و ئەڤرۆ ببینە خودان سەروکایەتیا ھەرێمێ وپەرلەمان و حکومەت رۆژ ب رۆژ کوردستان بەرەف ئاڤەدانکرنێڤە دچیت .
لەوما فەرە کو ئەم ھەمی بەرھەمێ ئەڤان شورەش وبەرخودانێن گەلێ مە بپارێزین کۆ ئەڤرۆ ھندەک ژوان ئارمانجا گەھشتینە وئەم لژێر سایەیی وێ دژین کوئەوژی حکومەتا ھەرێما کوردستانێ یە وئەڤەژی دزڤریتەڤە بۆ ئێک ھەلویستی ورێکخستنا نافمالا کوردی و ئەم ھەمی بھەڤرا کاربکەین تا کو بگەھینە وان ئارمانجا ئەوێن شورەش وسەرھلدان ل پێناڤدا راپەری و ب ھزاران شەھید بووینە قوربانی وب ساڵان خەبات وتێکوشان وبەرخودان ژێرا ھاتیەکرن ، دێ بلا یادا(٤٥)مین سالڤەگەرا شورەشا گولانا پێشکەفتنخواز پتر ببیتە ھاندەر و پالپشت بۆ پاراستنا ئەڤان دەسکەفتیان زێدەتر ریکخستنا مالا کوردی بیت .
Comments are closed, but trackbacks and pingbacks are open.