ئەندامەكێ لیژنا دەستپاكیێ ل پەرلەمانێ كوردستانێ راگەهاند: ل هەرێما كوردستانێ 25 دەرمالێن جوداجودا هەنە، چوار جۆرێن دەرمالەیان دبنەجهن و 21دەرمالە ژی نەدبنەجهن و ل گورەی یاسایا چاكسازیێ تەنها دەرمالێ وان كەسان دێ هێنە بڕین، كو نە هەژی وان دەرمالەیانە و ل دویڤ یاسایا چاكسازیێ ژی دەرمالە دێ هێنە رێكخستن.
وەیسی سەعید وەیسی، ئەندامێ لیژنا دەستپاكیێ گوت ژی: ل دویڤ یاسایا چاكسازیێ، دڤێت پێداچوون ب دەرمالەیان بێتە كرن، جڤاتا وەزیران ژی بریاردایە ئەو دەرمالە بێنە رێكخستن.
هەروەسا روپاك ئەحمەد، ئەنداما لیژنا یاسایێ ل پەرلەمانێ كوردستانێ راگەهاند: ل هەرێما كوردستانێ چەند دەرمالە هەنە،ل دویڤ یاسا و رێنمایان دهێنە دان،ل دویڤ مادەیا پێنجێ یا یاسایا چاكسازیێ ژی، دەرمالەیێن چ كەسەكی ناهێنە بڕین ئەگەر هەژی وەرگرتنا وی دەرمالە بیت، بەرۆڤاژی ژی، دەرمالەیێن وان كەسان دێ هێـنە بڕین كو ب ئاوایەكێ نەهەژی وەردگرن.
Comments are closed, but trackbacks and pingbacks are open.