بهێزترین چەکێ رووسی یێ د دەستێ پەکەکێ دا دژی پێشمەرگەی هاتە بکارئینان”

بهێزترین چەکێ رووسی یێ د دەستێ پەکەکێ دا دژی پێشمەرگەی هاتە بکارئینان”

ژ زارێ بەرپرسەکێ ئەمنی جورێ چەکێ پەکەکێ هێرش پێ کریە سەر ترومبێلا گولەنەبڕا پێشمەرگەی یا لسەرێ چیایێ مەتینی بوویە ئارمانجا پەکەکێ ئاشکرا دکەت کو مووشەکەکە بناڤێ(کۆرنێت) و ل سالا 1998 ژ ئالیێ رۆسیا ڤە هاتیە بەرهەمئینان.

ل گۆرەی دیفچوونەکێ ئەڤ مووشەکە دژە تانکە وبهایێ هەر مووشەکەکێ زێدەتر ژ 6 هزار دۆلارایە.

ژێدەرەکی ژ وەزارەتا پێشمەرگەی ئاشکراکر؛ ئەو مووشەک هاتیە ئاراستەکرن بۆ کاروانێ ترومبێلێن پێشمەرگەی کو ئێک ژ وان باجر بوو و یا گولەنەبڕە و گۆت: لێ ژبەرکو ئەو مووشەک یا تایبەتە بۆ ترومبێلێن گولەنەبڕ، لەو پێشمەرگەی زیان هەبوون کو ٥ شەهیدبوون و 6 ژی برینداربوون.

ئەڤ چەکە ل شەرێ ئیراقێ 2003، شەرێ لبنانێ 2006، شيرێ لیبیا 2011، شەرێ ناڤخۆ یێ سووریا، شەرێ ناگۆرنۆ کاراباخ 2020، شەرێ یەمەنێ هاتیە بکارئینان و 8 کیلۆمەتران د بڕیت و ئارمانجێ بدەستڤە دئینیت.