د شەرێ برا کوژیێ دا ب تنێ دوژمن مفادار
ساڵح محەمەد تەیرۆ
ئەگەر ئەم ھندەک بزڤرینەڤە بۆ دیروکا خویناوی یا ئەوا کو دنێڤ ھیزێن سیاسی یێن رزگاریخوازیا کوردستانێ و حکومەتێن داگیرکەرێن کوردستانێ ھاتینە روویدان دزڤریتەڤە بۆ دیروکەکا بەرییا ب چەندین ساڵا ، ب ھزرا من ژی ھەر ئەڤ ناکوکیێن ناڤخویی بوینە کۆ بوینە فاکتەر و سەدەم سەرەکی کو تا نھا ئەڤ مللەتە ب مافێن خو یێن رەوا نەگەھشتین و سەرەرای ھندەک فاکتەرێن دەرەکی ، ھەردەمێ ئارمانجێت ئەڤی مللەتی نێزیک بوینە کو بگەھنە ئارمانجێت خۆ یێن خەبات و قوربانیدان ژێرا ھاتیە کرن ودان دوژمن و نەحەزێن ئەڤی مللەتی پیلان و بوسە داناینە و ئەم بخۆ ژی ڤێجا لژێر ھەر پەردەیەک و ناڤەکێ بیت بوینە دارودەستێت وان بۆ ب سەرگرتنا وان پیلانا و قوربانیێت سەرەکی ھەر ئەڤ مللەتێ ژاروپەریشان بویە ، لێ یا مرۆڤ پێ دلگران دبیت ئەوە کو سیاسەتمەدارێن کورد مفا ل وان سەربورێن تاڵ وەرنەگرتینە
لەوما فەر بۆ کو ھەر کەسەکێ خۆ ب کورد بزانیت وھەست ب بەرپرسیارەتیا ئەخلاقی و ئایینی و نەتەوی ونیشتیمانی بکەت ڤێجا سەر ب ھەر لایەنەکێ سیاسی بیت یان بێ لایەن بیت و ل ھەر پارچەیەکا کوردستانا داگیرکری بیت ل دژی شەرێ براکوژیێ رابوەستیت و نەبیتە پاڵە بۆ خوشکرنا ئاگرێ شەرێ مالوێرانیێ وپاش دیرۆک رەحمێ ب کەس دا نابەت ، فەرە ئەڤە ژی ل بیرا مە نەچیت کو وەکو ئەرکەکێ نەتەوی ونیشتیمانی ھەر لایەنەکێ سیاسی یێ کورد یی کو ئەڤرۆ دقادا بەرخودانێ دا واقعێ ھەرێما کوردستانێ بزانیت و ئەو لایەنێن پارچێن دی ژی یێن کوردستانێ تاکو ب کارن پتر کاریگەریا خو ب بینن ل سنورێ خو چالاکیێت خو یێن شورەشگێری ئەنجام بدەن تاکو ئەڤ چالاکیێت وان ل سنورێ ھەرێما کوردستانێ نەکەڤنە دبەرگۆمانا دەولەتێت دراوسێ کو ھەردەم ل ھێجەتا دگەرھێن بۆ ھەرێما کوردستانێ ئەوا ل باشور دروست بوی . ئەم ھەمی دزانین کو ئەو ئەزمونا نەخوش و مالوێرانیێ کو دسالێن شیستاندا ل چەرخێ بوری دەست پێکری و ب سەدان گەنج و لاو و شورشگێر ودلسوز وکوردپەروەر بونە قوربانی و سوتەمەنیێن ڤان شەراندا دنێڤبەرا لایەن وھێزێن رزگاریخوازیێن کوردستانێ لێ خویا ژی بۆ کو ھیچ ھێزەک ب شەری نکاریت ھێزا دی ل ناڤ ببەت و ب تنێ زەرەرو زیان نەبن ب ھەر دوو لایەنێن شەرکەر
ئەم دپشت راستین ژی و دیروکێ ژی یا سەلماندی کو داگیرکرن و خوسەپاندن ب زەبری ھێز و چەک وتەقەمەنی و بێ پشتیوانیا گەل و مللەتی دێ دویماھیا وێ کارەسات و مالوێرانی بیت . ئەڤرۆ ژی کاودانێن ھەرێما کوردستانێ و بەرژەوەندیا گشتی ل مە داخواز دکەن کو سەرەرای ئەو ناکوکیێت سیاسی یێن دناڤبەرا لایەنێن سیاسی ل ھەرێما کوردستانێ لێ ب ھیچ رەنگەکێ وەکو ئەرکەکێ ئەخلاقی و ئایینی و نەتەوی ونیشتیمانی وھەست کرن ب بەرپرسیارەتیێ ددل خوش نەبن بڤان پێکدادانێت ھاتینە روویدان وتێنە روویدان دناڤبەرا گەریلایێن پەکەکێ و پێشمەرگەھێن کوردسنتانێ ل سنورێ ھەرێما کوردستانێ ، چونکە ئەڤ شەرێ دنێڤبەرا ھێزێن پەکەکە و ھێزێن پێشمەرگەھێ کوردستانێ و ل ھیچ دەم و سەردەمەکێ دا ونەمازە دڤان کاودانادا دبەرژەوەندیا گەلێ کوردستانێ و پەکەکێ ژی دا نیە وفەرە پەکەکە ژی سنورێ خو یێ خەبات و بەرخودانێ بزانیت، رەنگە ئەڤە پیلانەک بیت بو پتر بەرفرەھکرنا شوین پێن داگیرکەرێن کوردستانێ بو باشورێ کوردستانێ . لەوما فەرە ژی گەریلایێن پەکەکێ ژی ھەست بڤێ چەندێ بکەن و شەرێ خوە ببەنەڤ باکورێ کوردستانێ کو چیایێن وان گەلەک وگەلەک ل چیایێن کوردستانا باشور ئاسی ترن بو بەرەڤانیکرن ل وێ پارچا کوردستانێ ئەگەر ڕاست ببێژن ،
پێتڤی یە لسەرحکومەتا عیراقا فیدرال و حکومەتا ھەرێما کوردستانێ ب ھەمی لایەنەکێ سیاسی یێ کورد و کوردستانی ڤە و ب ھەمی رەنگەکێ رێکێ لڤان جورە شەران بگرن . دیسان دھەمان وەختدا فەرە کو پاراستنا سەروەریا ئاسایش و ئارامی و سەقامگیریا ھەرێما کوردستانێ ل کارێن پێشەکیا ھەمی حزبێن کوردستانا باشور ویێن دی ژی بن و ب ھیچ رەنگەکێ مساومە لسەر نەھێتە کرن و وەھا ل میدیا و راگەھاندنێن خودا دیار بکەن کو ب تنێ لایەنەک بەرپرسیارە نیە ب ھاتنا ڤی لەشکرێ تورکیا بۆ ھەرێما کوردستانێ و باش بزان نکو فاکتەرێن ھاتنا وان پەکەکەیە .دیسان ھزر نەکەن ئەڤ شەرە ل سنورێ فلان لایەنی یە نەخێر و سەد جارا نەخێر بەلکو ل سنوری ھەمی کورد و کوردستانێ یە و بەشەکە ل ھەرێما کوردستانێ و ب سەدان شەھید ژی ژێرا ھاتینە دان ل ھەمی لایەنەکێ تاکو ھاتیەڤ رزگار کرن ڤێجا خودان چ بیروبوچوونێن سیاسی بن ، دیسان پەکەکە ژی ب سیاسەتا خودا بچیتەڤە و بەس بیت ئەڤان گەنج ولاوان ب کوشتن بدەت و بێکو ئارمانجەکا نەتەوی ونیشتیمانی یا دیار و زەلال بیت …
Comments are closed, but trackbacks and pingbacks are open.