هەردو سەرۆکێن ویلایەتێن یەکگرتێن ئەمریکا و روسیا ئەڤڕۆ چارشەمبى ل باژارێ جنێڤی سویسرى کۆمبوونه، د کۆمبوونێدا دەستوەردانا روسیا ل هەڵبژارتنا ناڤخۆییا ئەمریکا، رەوشا مافێن مرۆڤى، گرژیێن ل سه‌ر ئه‌لێكس ناڤاڵنی، قه‌یرانا ئۆكرانیا و چەند پرسه‌کێن دیێن ناڤدەوڵەتی ژى دێ گۆتوبێژ ل سەر هێنه كرن.
پشتى نیڤرۆیا ئەڤڕۆ کۆمبوونا گۆپیتكا سەرۆکێ روسیا و ئەمریکا ل كۆشكا لاگوانچ ل جنێڤ دەستیپێکر،ل ده‌ستپێكێ سەرۆکێ سویسرا پێشوازی ل ڤلادیمیر پوتین سەرۆکێ روسیا و پاشى ژى جۆ بایدن سەرۆکێ ئەمریکا کر.
شاندێ روسیا کو شاندێ ڤلادیمیر پوتینى دکەن پێکهاتینه ژ سێرگی لاڤرۆف، وەزیری دەرڤه، یوری یوشاکۆف راوێژکارێ ئاسایشا نیشتمانییا روسیا ل گەڵ هژمارەیەكا بەرپرسێن دی، هەروه‌سا ئەو شاندەێ دگه‌ل جۆ بایدنى دکەن پێکهاتبوون ژ ئەنتۆنی بلینکن وەزیری دەرڤە و جەیک سۆڵیڤان، شیره‌تكارێ ئاسایشا نیشتمانییا ئەمریکا دگەڵ هژمارەیەکا بەرپرسێن دی.
Comments are closed, but trackbacks and pingbacks are open.