کۆمبوونەک ل دۆر ئاریشێن ئەردێ گۆندێن کرستیانان هاتەکرن
ئەڤرۆ ب سەرپەرشتیا “د.عەلی تەتەر” پارێزگارێ دهۆکێ، کۆمبوونەک ل دۆر ئاریشێن ئەردێ گۆندێن کرستیانان ل سنۆرێ پارێزگەها دهۆکێ ب بەرهەڤبوونا رێڤەبەریێن پەیوەندیدار هاتەکرن.
دکۆمبوونێدا ل دۆر ئاریشێن ئەردێن گۆندێن کرستیانان کو هژمارەکا سکالا و داخۆازیان گەهشتینە کارگێریا پارێزگەها دهۆکێ پشتی دانوستاندن و هەلسەنگاندنا جۆرێن ئاریشێن ئەردی لسەر راسپاردێن حکۆمەتا هەرێما کوردستانێ لژنەک بۆ چارەکرنا ئاریشێن وان گۆندان هاتە پێکئینان.
پارێزگارێ دهۆکێ دۆپاتکر: نابیت ئەردێن چ پێکهاتەیان غەدر لێ بهێتەکرن، لدویڤ یاسا و رێنما و ب رێکا ڤێ لژنێ و لژنێن لاوەکی لسەر ئاستێ دەڤەرداریی و ناوچەداریان ئەڤ ئاریشە دێ هێنە چارەسەرکرن.
لژنا ناڤبری ل دویڤ یاسا و رێنمایێن حکۆمەتێ دێ دیڤچوون و پێداچوونا وان سکالا و داخوازیان چەوانیا سەرەدەریێ دگەل ڤان ئاریشان کەت، هەولێن چارەسەریێ دێ گرنەبەر و کۆمبوونێن لژنا ناڤبری دێ دبەردەوام بن.
ژهەژی گۆتنێ یە ٥٥ گۆندێن کرستیانان لسنۆرێ پارێزگەها دهۆکێ هەنە، ٣٩ ژوان هیچ سکالا و داخوازیی پێشکێش نەکرینە گۆندێن دی یێن ئاریشە و سکالا هەیی دگەل لایەنێن پەیوەندیدار ئاریشێن وان دێ هێنە چارەکرن.
Comments are closed, but trackbacks and pingbacks are open.