ھێزێن روسیا ل چەندین دەڤەرێن ستراتیژی یێن سووریێ دەست ب دەرخستنا ھێزێن سەر ب ئیرانێ کرینە ب تایبەتی ژی دەڤەرێن پەترۆلێ کۆ ئاژانسا دویچە یا ئەلمانی د راپۆرتەکێ دا دیار کریە کو چەند رۆژن روسیا ل چەندین دەڤەرێن ستراتیژی یێن سووریێ ب تایبەتی ژی ل ھندەک دەڤەرێن نێزیکی دێرازۆرێ کو دەڤەرێن گرنگن و پەترۆل ل وان دەڤەران ھەیە دەست ب دەرخستنا لەشکرێ فاتمیون کرینە کو ئەو ھێزە ژ ئالیێ ئیرانێ ڤە ھاتیە دروستکرن و چەند سالن ل سووریێ ب بەھانا شەرێ ل دژی داعشێ بەرەڤانیێ ژ رژێما سووریێ دکەن و ھەتا نھا ب سەدان وەلاتیێن سڤیل ل سووریێ ب دەستێ لەشکرێ فاتمیون ھاتینە کوشتن.
ئیران و ھێزێن سەر ب وێ ھەر دخوازن کو ئالۆزیێن نھا ل سووریێ بەردەوام بن، ھەر کەس باش دزانیت کو سیاسەتا ئیرانێ ل رۆژھەلاتا ناڤین ل سەر بنەمایێ ناکۆکیانە، ھەتا ناکۆکی و ئالۆزی ل سووریێ، عیراقێ، لوبنانێ و یەمەنێ ھەبن دێ ئیران ژی شێت کو دەستێوەردانێ د کاروبارێن ناڤخوەیی یێ وان وەلاتان دا بکەت ب تایبەتی ژی یێ سووریێ و گۆت: (روسیا ژی باش دزانیت کو ئیرانێ دڤێت ب رێیا ئالۆزکرنا رەوشا ناڤخوەیی یا سووریێ بزاڤا ھندێ بکەت کو ھێزێن خوە ل سووریێ بھێلیت، ژ بەر ھندێ ژی روسیا دەست ب بزاڤەکا نوو کریە و داخواز ژ ئیرانێ کریە کو ھێزێن خوە ژ دەڤەرێن ستراتیژی یێن سووریێ ب تایبەتی ژی ئەو دەڤەرێن پەترۆلێ کو ل ژێر کۆنترۆلا وان دانە ڤەکێشیت.
ناڤھاتی ئەو یەک ژی دیار کر کو روسیا ل سووریێ دەست ب قۆناغەکا نوو کریە، روسیا نھا ب تنێ ل دژی ئیرانێ کار ناکەت بەلکو روسیا چەند رۆژن ب توندی ھێرشی ھێزێن چەکدارێن سەر ب تورکیا ژی دکەت، چونکو روسیا دڤێت تورکیا ژی ھەموو ھێزێن خوە ژ سووریێ ڤەکێشیت ، د ئاستێ نێڤدەولەتی دا ب تایبەتی ژی ئەمریکا و وەلاتێن ئێکەتیا ئورۆپا گەھشتنە ڤێ باوەریێ کو دڤێت ھێزێن ئیرانێ و تورکیا ل سووریێ نەمینن.
روناك فازل
