پشتی نیڤرۆیا ئه‌ڤرۆ بسه‌ده‌مه‌كێ نه‌دیار ل گوندێ خرابابكێ ل زاخۆ ئاگربه‌ربوو كوگه‌هه‌كا كه‌لوپه‌لێن جودا و ب ته‌مامی شه‌وتی.
به‌ره‌ڤانیا باژاری ل زاخۆ ڕاگه‌هاند، پشتی نیڤرۆیا ئه‌ڤرۆ ل گوندێ خرابابكێ یا سه‌ر ب باژارێ زاخۆ ڤه ئاگر به‌ربوو كوگه‌هه‌كا كه‌لوپه‌لان و ب ته‌مامی شه‌وتی.
دبێژیت ژی، پشتی ئه‌و هاتینه هایداركرن تیمێن وان ل جهێ بوویه‌رێ ئاماده‌بوون و ئاگر كۆنترۆلكرن.
ئاماژه ب وێیه‌كێ ژی كر، پشتی كۆنترۆلكرنا ئاگری ڤه‌كۆلینان ده‌ستپێكریه لێ هێشتا سه‌ده‌مێن ئاگربه‌ربوونێ نه‌هاتنه زانین لێ هه‌موو كه‌لوپه‌لێن داناڤا كوگه‌هێ دا شه‌وتین.
ئه‌ڤه د ده‌مه‌كی دایه، بوویه‌رێن ئاگربه‌ربوونێ زێده‌بووینه و به‌شه‌ك ژ وه‌لاتیان سه‌ده‌مان بۆ هاتنا وه‌رزێ هاڤینێ و گه‌رماتیێ كو دبیته سه‌ده‌مێ په‌یدابوونا ئاگری ڤه‌دگه‌رینن، هه‌ڤده‌م، نیڤرۆیا ئه‌ڤرۆ ژی ل قه‌زا سێمێلێ ئاگر بسه‌ده‌مه‌كێ نه‌دیار به‌ربوو چه‌ندین كه‌پرێن فیقی و ژ ئالیێ به‌ره‌ڤانیا باژێری ڤه هاته كۆنترۆلكرن.
Comments are closed, but trackbacks and pingbacks are open.