راوێژكاره‌كێ سه‌رۆككۆمارێ ئیراقێ راگه‌هاند: هه‌لبژارتنێن ئیراقێ د ده‌مێ خۆ دا ناهێنه كرن و دێ هێنه پاشخستن. په‌ڕله‌مانتاره‌كێ یه‌كگرتویێ ژى دبێژیت: ره‌وشا سلێمانیێ ئاماژه‌یه بۆ نه‌كرنا هه‌لبژارتنان.
سالار مه‌حموود د پۆسته‌كى دا نڤیسیه، هه‌لبژارتنێن ئیراقێ د ده‌مێ خۆ دا ناهێنه كرن، خۆڤه‌كێشانا ره‌وتێ سه‌درى و پشكدارینه‌كرنا ئه‌یاد عه‌لاوى د هه‌لبژارتنان دا ئاماژه‌نه بۆ نه‌كرنا هه‌لبژارتنان د ده‌مێ خۆ دا.
مه‌حموود دیاركر ژى، ئیراق زێده‌تر خۆ ل به‌ر كێشه‌یێن نوكه ناگریت، ئیراق به‌ره‌ڤ تۆنێله‌كا تارى ڤه دچیت و سه‌رێ دیێ تۆنێلێ نه دیاره.
ژلایێ خۆ ڤه ئه‌بوبه‌كر هه‌له‌دنى، سه‌ركرده‌یێ دیار یێ یه‌كگرتوویێ هه‌مان بۆچوون هه‌یه و ل ئه‌كاونتێ خۆ یێ فه‌یسبۆكى راگه‌هاند، ره‌وشا ناڤخۆیا ئیراق و هه‌رێمێ، ڤه‌كێشانا ره‌وتێ سه‌درى ژ هه‌لبژارتنان و ره‌وشا سلێمانیێ ئاماژه‌نه كو هه‌لبژارتنێن ئیراقێ د ده‌مێ خۆ دا ناهێنه كرن.
Comments are closed, but trackbacks and pingbacks are open.