سادق سالح،زێ بادینان .
ئەم دکارین پێناسا رەوشەنبیریێ ل خۆ بکەین!
هەرێ ل وەلاتەکی دێ چەوا رەوشەنبیر هەبن دەمێ مرۆڤایەتێ چ واتەیەک بۆ نەبیت . دەمێ ئەم د بێژین رەوشەنبیر یانی کۆپکا مرۆڤایەتیێ ، رەوشەنبیر ئەو کەسەیە کو سنوورێن قەومی و مللی و هەرێمی د بڕن و د بنە مرۆڤ و ژ بلی مرۆڤایەتیێ چ مەبەست و ئارمانج و ناڤ دەرکرن نینن و بەرژەوەندیێن کەسی د دەرون و وژدانا خۆ دا ناهێلیت و دبیتە پاریزڤانێ بەرژەوەندیێن گشتی بۆ هەمی مرۆڤایەتیێ ، د بیتە رەخنەگەرەکێ ئەرێنی بۆ چارەسەکرنا هەرئاریشەکێ و د بیتە خۆدان هەلوێستەکێ وێرەکانە ل هەمبەری هەر زۆلم و زۆرداریەکێ و د بیتە پێشەنگ بۆ بزاڤا مرۆڤایەتیێ! من چ باوەری ب هندێ نینە کەسەک بێژیت مرۆڤ د کاریت رەوشەنبیریێ پلە بەندی بکەت و دەرەجا بۆ دابنیت ئەڤە بۆچوونەکا بێ واتەیە رەوشەنبیر روحا مرۆڤایەتیێ یە… هەرێ گەلو ل باژێرێ من ئەم ڤێ چەندێ د بینیت ، ڤێت بێژم ب موخابنیڤە ب هیج رەنگەکی رەوشەنبیر مە نینە یانی مرۆڤایەتی نینە و دەمێ مرۆڤایەتی نەما یانی رەوشەنبیری نەما! دەمێ مرۆڤەک ، کەسایەتیەک ، سەرمایەکا کەلتوری و ئەدەبی ، کەسایەتیەک مینا اسماعیل طاهر جهانگیر د ناڤ مەدا بار دکەت و وەغەرا داویێ دکەت چالاکیێن مێزا دومینێ و پەرکانێ و نوش ب نوش رانەوەستن و نەبن کوبوونێن بیرهینان و رێز گرتنێ بۆ ڤان جۆرێن مرۆڤان دێ چەوا باژێرێ من شانازیێ ب رەوشەنبیرێ خۆ کەت! گەلەک شەرمزاریە ئەم پێناسا رەوشەنبیریێ یانی مرۆڤایەتیێ ل خۆ بکەین … موخابن!
من پێخۆشە لگەل ڤی بابەتی رونکرنەکێ ژی بدەم کو ئەو بابەتێن ئەز ل فیسبووکا خۆ بلاڤ دکەم هەر کەس و لایەن و مالپەر و گۆڤار و رۆژنامەک بێ جیاوازی دکارن وەرگرن ب مەرجەکی وەکی خۆ بلاڤ بکەن و هەر وەسا بلا کەس ب کار هینانا پەیڤەکێ مینا بیت المال یان ژی مالپەرەکی من پێناسە نەکەت . ئەز مرۆڤم د چوارچێوێن مرۆڤ بوونا خۆ خزمەتا مرۆڤایەتیێ وکوردایەتیێ دکەم و ئەز بەس کوردم و دەولەت خوازم وەک کوردەک .
Comments are closed, but trackbacks and pingbacks are open.