عەزاوی: دسەرەدانا خۆدا بۆ واشنتون كازمی دێ پرسا ڤەكێشانا هێزێن ئەمریكا ئێكلاكەت
عەبدولخالق عەزاوی سەرۆكێ لیژنا ئاسایش و بەڕەڤانیێ دجڤاتا نوونەرێن عیراقێدا ڕاگەهاند، ل 26 ڤێ مەهێ سەرۆك وەزیرێن عیراقێ مستەفا كازمی دێ ل كۆچكا سپی دگەل سەرۆكێ ئەمریكا جۆبایدن كۆم بیت، و پرسا ڤەكێشانا هێزێن ئەمریكا ژ عیراقێ ئیكلاكەت.
د داخۆیانیەكێدا بۆ (بادینان میدیا) عەبدولخالق عەزاوی سەرۆكێ لیژنا ئاسایش و بەرەڤانیێ دجڤاتا نوونەراندا گوت: سەرەدانا كازمی بۆ واشنتون زۆر یا گرنگە، نەخاسم دبوراێ نەخشەكێشانا سنورێن پەیوەندیێن تایبەتێن عیراق و ئەمریكادا، ژبەركو لسەر ئاستێ عیراقێ ناكۆكی لسەر هەبوونا هێزێن ئەمریكا دبەردەوامن و هیچ ڕێككەفتنەكا سیاسی و مللی لسەر وێ پرسێ نینە و ناڤبری پێشبینیكر ل دووماهییا ئەڤ ساڵە هێزێن ئەمریكا ژ عیراقێ بهێنە ڤەكێشان.
سەرۆكێ لیژنا ئاسایش و بەڕەڤانیێ خۆیاكر، شاندەكێ پایە بلندێ حكومەتا عیراقێ دێ دگەل كازمی سەرەدانا واشنتون كەت، و هەوڵ دێ هێنەدان بۆ ڕێكخستنا هەڤكاریێ دبیاڤێن پڕچەككرنا سوپای و بەرهنگارییا تیرۆرێ و گەشەپێدانا كەرتێن ئابووری و ووزێ و چەندین بیاڤێن دی.
Comments are closed, but trackbacks and pingbacks are open.