دەستەیا گەشتوگۆزارا هەرێمێ ڕاگەهاند، ل گۆرەی زانیاریان د رۆژێن جەژنێ و بەریا جەژنێ دا ٢٥٠ هزار گەشتیاران سەرەدانا هەرێما کوردستانێ کریە.
ئەڤرۆ دووشەمبی، نادر رۆستی پەیڤدارێ دەستەیا گەشتوگۆزارا هەرێمێ بۆ دەنگێ ئەمریکا ڕاگەهاندیە، “ل گۆرەی زانیاریان هەیا نها مە داوی ئامار بەلاڤ نەکریە، زێدەتری ٢٥٠ هزار گەشتیاران د رۆژێن جەژنێ و بەریا جەژنێ دا کو هەمی بۆ جەژنێ هاتبوونە هەرێما کوردستانێ”.
ئاماژە ب وێیەکێ ژی کر، ژ روویێ ئابووری ڤە ئەگەر هەر گەشتیارەک ب تێکرایا سێ شەڤا بمینیت زدەتر ژ ٣٠٠ دۆلاران دێ ئینیتە هەرێمێ، بڤێ ژی بازار دێ گەرموگورتربن، لڤینەکا ئابووریا باش بوو.
نادر رۆستی گوت ژی، ب ئاماژە کرنەکا دەستپێکی ئەگەر چارێکەکا مرۆڤان هاتبیتە هەرێما کوردستانێ دڤێ جەژنێ دا و هەر ئێکی ٣٠٠ دۆلار مەزاخبتن، وی دەمی ٧٥ ملیۆن دۆلار د بازارێن هەرێمێ دا هاتنە لێک گۆهارتن.
دبێژیت ژی، “ئەم چ دەما وەکی کەرتێ گەشتوگۆزارێ دگەل وێیەکێ نینن قەدەغەیا هاتن و چوونێ لسەر گەشتیاران هەبیت، ژبەرکو ب تێگەهشتنا خۆ بەلاڤبوونێن روویددەن ب سەدەمێ ڤایرۆسێ کۆرۆنایێ زێدەتر سەددەمێ وێ تێکەلبوونا جڤاکی یە، ژبەرکو گەشتیار کو دهێت دچیتە دوکانەکێ ناچیتە دەستێ خۆدانی و لێ نێزیک نابیت”.
Comments are closed, but trackbacks and pingbacks are open.